ل ئاکرێ ژ ئەگەرێ شەرەکی قوربانی هەنە

10/08/2019 - 16:58 بڵاوکراوەتەوە لە هەواڵ/كوردستانی

 

ل پێشەسازیا  ئاکرێ شەڕە تەقە د ناڤبەرا چەند کەسان دا دروست بوو و د ئەنجامدا مخابن كەسەكى گيانێ خۆ ژدەست دا و حەفت کەس ژی برینداربوون.

 دەمژمێر ٩ێ سپێدەهیا ئەڤرۆ ١٠ێ تەباخا ٢٠١٩ێ ل پێشەسازیا ئاکرێ کو دکەڤیتە تاخێ ئالەیێ شەڕ د ناڤبەرا دوو دوکاندارێن جیرانێن ئيكودوو پەیدابوویە و شەڕێ وان مەزن بوویە و ئاسن و بەر و دار، و چەک بکارئینانە و د ئەنجامێ دا ٧ کەس برینداربوونە.

شاهدحالێن ل جهێ بوویەرێ دەربارەی چاوانیا ڕوودانا وی شەڕی وەلاتیەکێ دزانین، یەک ژ دوکانداران خواستیە ڕووبەرێ دوکانا خو بەرفرەهبکەت، لسەر وێ یەکێ ئالۆزی و شەڕ د ناڤبەرا وان دا دەرکەفتیە.

سەباح زوهێر ژ راگەهاندنا ساخلەمیا ئاکرێ گوت" دڤی شەریدا حەفت کەس برینداربوون و ئێکی ژی گیانێ خۆ ژدەست دا وپشتی بریندار رەوانەی نەخۆشخانا هەوارهاتنا ئاکرێ کرین، ئێک رەوانەی دهۆکێ کر ژبەر سەختیا برینا وی چونکی تەلقە ب جهێ مەترسی کەفت بوو، مخابن ب رێکێ ڤە گیانێ خۆ ژ دەست دا، هەروەسا دو بریندار رەوانەی هەڤلێرێ کرینە و رەوشا وان ژی نەیا جێگریە، هەروەسا سێ بریندار ژی دناڤ نەخۆشخانێ دانە و ل بن چاڤدێریا نۆشداراندانە و رەوشا وان یا باشە و چ مەترسی ل سەر ژیانا وان نینە.

پولیسان ژی راگەهاند بریارا دەستەسەرکرنێ بۆ شەش کەسان دەرچوویە وکێشە ل بنگەهێ پولیسێن ئاکرێ هاتیە تومارکرن".

ا.د