رووداوێكی هاتوچۆ 7 قوربانی لێدەكەوێتەوە

10/08/2019 - 21:39 بڵاوکراوەتەوە لە هەواڵ/كوردستانی

 

 

لە ڕووداوێكی هاتووچۆدا، لەسنوری شارەدێی زاوێتە، دوو ئۆتۆمبێل پێكیانداداو بەهۆیەوە ژنێك گیانی لەدەستداو شەش كەسی دیكەش برینداربوون.

ئێوارەی ئەمڕۆ، لەسەر ڕێگەی سەرەكی كۆمەڵگەی باگێرا – شارەدێی زاوێتە، لە سنوری پارێزگای دهۆك، ڕووداوێكی هاتووچۆ ڕوویداو بەهۆیەوە ژنێك گیانی لەدەستداو شەش كەسی دیكە برینداربوون، سەرجەم بریندارەكان گواسترانەوە بۆ نەخۆشخانەی فریاكەوتنی دهۆك.

(ئازاد تەها) وتەبێژی پۆلیسی پارێزگای دهۆك بە ڕۆژنیوزی ڕاگەیاندووە: ڕووداوەكە لەسەر دوو ڕێیانی گوندی ڕومتا بووە، لە نێوان دوو ئۆتۆمبێل لە جۆری تۆیوتا كامری و تویوتا كرۆلا، بەهۆی تیژ ڕەوییەوە ڕووداوەكە ڕوویداوە.