لەم ناوچەیە داعش هێرش دەكات

11/08/2019 - 07:57 بڵاوکراوەتەوە لە هەواڵ/كوردستانی

 

 

بەپێی وتەی سەرچاوەیەكی پۆلیس، ژمارەیەك چەكداری داعش هێرشیان كردۆتە سەر بازگەیەكی پۆلیسی فریاكەوتن لە گوڵاڵەو دوو پۆلیس برینداربوونە.

شەوی رابردوو هێرشكراوەتە سەر بازگەیەكی هێزە عێراقییەكان لە شارەدێی گوڵاڵەی سەر بە شارۆچكەی خانەقین.

پۆلیسی جەلەولا ڕایگەیاندووە: لە ئەنجامی هێرشێكی چەكدارەكانی داعش بۆ سەر بازگەیەكی هێزە عێراقییەكان لە گەڕەكی تەجنید لە باشوری گوڵاڵە دوو پۆلیس بریندار بوون و بەمەبەستی چارەسەركردن ڕەوانەی نەخۆشخانەی گوڵاڵە كراون.

سەرچاوە ئاشكراشیكرد، لە هێرشەكەدا لەلایەن چەكدارەكانەوە، چەكی قەناس بەكار هێنراوەو بە هاوەن بۆردومانی نزیك بازگەكەش كراوە.