نۆژەنكردنەوەی تونێلی دەربەندیخان دەستیپێكرد

17/08/2019 - 10:42 بڵاوکراوەتەوە لە هەواڵ/كوردستانی

 

بڕیارە لە ئەمڕۆ شەممەوە دەست بە نۆژەنكردنەوەی تونێلی دەربەندیخان بكرێت و هاتوچۆش لەسەرشاخی بەرانانەوەدەبێت و بۆئەومەبەستە ڕێگای سەرشاخ پاك دەكرێتەوە.


پەیامنێرمان ئەدیبە ئەحمەد لە قەزای دەربەندیخانەوە پێی ڕاگەیاندین: لە ئەمڕۆ شەممەوە بەرواری ۱۷/۸/۲۰۱۹ كاری نۆژەنكردنەوەی ئەرزی تونێلی دەربەندیخان دەستپێكردوەو بەوهۆیەوە هاتوچۆ لەسەرشاخی بەرانانەوەدەبێت و بۆئەومەبەستە ڕێگای سەرشاخ پاك دەكرێتەوەو لەهەر خۆڵ و خاشاكێك كە هاتبێتەسەرشەقامەكەو هەروەها مەفرەزەكانی هاتوچۆی بەڕێوەبەرێتی ئامادەكاری تەواو دەكەن بۆشۆفێران.


هەروەها ئەوەشی خستەڕوو: شۆفێری ئۆتۆمبێلە بارهەڵگرەكان ئاگاداركراونەتەوە كە ئەو ئۆتۆمبێلانەی كەبزانین مەرجی توندوتۆڵی یان تێدانیە یاخود دڵنیابین لەوەی كە ئۆتۆمبێلەكەی ناتوانێت بەسەرشاخدا هاتوچۆبكات ڕێگری لێدەكەیت و ڕێگای پێنادەین، ئەوەش بەمەبەستی ئەوەی نەبێتەگرفت بۆ شۆفێران و هاوڵاتیان كەلەم وەرزی گەرمایەدا دژواری و ئاستەنگ دروست بكات خەڵكی دەخاتە مەترسی یەوە.


ئاماژەی بەوەشكرد: ڕێگاكانی قەراداغ ناوتاق كراوەیەو هەرشۆفێرێك بیەوێت دەتوانێت بەكاریان بهێنێت بەلەبەرچاوگرتنی هەلومەرجی ڕێگاوبانەكان و تونێلی نیوكامپ و سەر ڕێگای بەنداوی دەربەندیخان داخراوە بەهۆی نۆژەن كردنەوەی بەنداوەكەوە بۆیە بەكارهێنانی ئەوڕێگا بەربەستەو هەوڵمەدە گرفت بۆخۆت وتیمەكانی ئەوێ دروست بكەیت.