پۆلیسی سلێمانی: گەنجەكەی چەمچەماڵ بۆ 240 هەزار دینار كوژراوە

19/08/2019 - 15:27 بڵاوکراوەتەوە لە هەواڵ/كوردستانی

 


ووتەبێژی بەڕێوبەرایەتی پۆلیسی پارێزگای سلێمانی ڕایدەگەیەنێت: هۆكاری كوشتنی گەنجەكەی ناو بەنزینخانەكەی چەمچەماڵ لەلایەن تاوانبارەكەوە بۆ دەستكەوتنی 240 هەزار دیناری عێراقی بووە.

 

نەقیب سەركەوت ئەحمەد، ووتەبێژی بەڕێوبەرایەتی پۆلیسی پارێزگای سلێمانی لە كۆنفڕانسێكی ڕۆژنامەوانیدا ڕایگەیاند: كوشتنی ئەو گەنجە لەسەر 240 هەزار دینار بووە دوای ئەوەی زانیویەتی بەنزینخانەكە چۆلِەو تەنها ئەو گەنجەی لێیە هەستاوە بە ئەنجامدانی تاوانەكە.

 

هەروەها وتیشی: تاوانبارەكە ماوەی مانگێكە لەشارۆچكەی چەمچەماڵ نێشتەجێ بووەو لەماوەی ڕابردودا چەندین تاوانیتری ئەنجامداوە.

 

جێگەی ئاماژەیە شەوی ڕابردوو لە شارۆچكەی چەمچەماڵ گەنجێكی ماتۆڕسوار لەكاتی تێكردنی بەنزین كاتێك زانیبوی بەنزینخانەكە چۆڵە لەپێناو دزینی پارە تەقە لەكارمەندی بەنزینخانەكە دەكات و دەكوژێت.