هاتوچۆی گەرمیان هەڵمەتێك بۆدەستبەسەراگرتنی ماتۆڕ سكێل دەست پێ دەكات

21/08/2019 - 14:00 بڵاوکراوەتەوە لە هەواڵ/كوردستانی


هاتوچۆی گەرمیان ڕایدەگەیەنێت بەمەبەستی دابینكردنی هاتوچۆیەكی سەلامەت و پاراستنی ئاسایش و ئارامی هاووڵاتیان هەستاون بە هەڵمەتی دەست بە سەرداگرتنی ماتۆڕسكیلی بێ سەرەتا و لێخوڕی بێ مۆڵەت و بەو هۆیەشەوە ژمارەیەكی زۆر ماتۆڕ سكێلیان دەستەبەسەرداگرتووە.

ڕاگەیاندنی هاتوچۆی گەرمیان لەراگەیەنراویكدا كەوێنەیەكی دەست كوردیو كەوتوە رایگەیاندوە" بنكەی هاتوچۆی ناحیەی ڕزگاری لە درێژەی كارو چالاكییەكانیاندا و بە هاوكاری تیمەكانی پۆلیس لە ناحیەی ڕزگاری و بە مەبەستی دابینكردنی هاتوچۆیەكی سەلامەت و پاراستنی ئاسایش و ئارامی هاووڵاتیان و دانیشتوانی ناحیەكە هەستان بە هەڵمەتی دەست بە سەرداگرتنی ماتۆڕسكیلی بێ سەرەتا و لێخوڕی بێ مۆڵەت."


ئاماژەی بەوەشداوە"بەو هۆیەشەوە شەوی ڕابردوو دەستیان گرت بە سەر ژمارەیەكی زۆر ماتۆڕسكیلدا كە بێ سەرەتا بوون و ژمارەیەكیان لێخوڕەكانیان بێ مۆڵەت بوون و هەروەها بووبوونە هۆی بێزاركردن و ئازاردانی هاووڵاتیان و شۆفێرانی ناحیەكە."

بنكەی هاتوچۆی ڕزگاری داوا لە شۆفێران دەكات پابەندی یاسا و ڕێنماییەكانی هاتوچۆ بن، بۆ ئەوەی پێكەوە و بە هاوكاری یەكتر هاتوچۆیەكی سەلامەت بۆ دانیشتوانی ناحیەكە فەراهەم بكەن.