مەرجەكانی وەرگرتنی قوتابیانی هەرێم لە پەیمانگەی ئەزهەر ڕاگەیەندرا

22/08/2019 - 11:13 بڵاوکراوەتەوە لە هەواڵ/كوردستانی

 

وەزارەتی ئەوقاف و كاروباری ئاینی حكومەتی هەرێم مەرجەكانی وەرگرتنی قوتابیانی لە پەیمانگەی ئەزهەر ڕاگەیاندو قوتابیانی قۆناغی شەشی سەرەتایی دەتوانن داواكاری پێشكەش بە پەیمانگاكە بكەن.


وەزارەتی ئەوقاف و كاروباری ئاینی حكومەتی هەرێم لە نوسراوێكدا كەوێنەیەكی دەست كوردیو كەوتوە، ڕایگەیاند: هەر قوتابیەك ئارەزوی خوێندنی لە پەیمانگای ئەزهەر لە شاری هەولێر هەیە داواكاری پێشكەش بكات و دەرچوانی پەیمانگای ئەزهەر راستەوخۆ لە زانكۆی ئەزهەر لە وڵاتی میسر وەردەگیرێن.


ئەوەشی خستەڕوو: خوێندن لە پەیمانگای ئەزهەر بێبەرامبەر و تەنها كوڕان دەتوانن داواكاری پێشكەش بكەن و دەبێت قوتابی دەرچوی شەشی سەرەتایی بێت و كۆنمرەی لە 70 كەمتر نەبێت و نابێت تەمەنی قوتابی لە 12 ساڵ كەمتر بێت و لە 15 ساڵ زیاتر بێت.

ئەلبوومی وێنەکان