ئەمڕۆ 3 كەس خنكان

23/08/2019 - 21:21 بڵاوکراوەتەوە لە هەواڵ/كوردستانی

 

 

كچێك و كوڕێك لە ڕووباری خازر لەزێی بچوك خنكان، لە بەنداوی سماقوڵیش كوڕێك خنكا.

ئەمڕۆ كچ و كوڕێك بەناوەكانی (عائیشە ئیبراهیم و ڕێبین بەكر) لە ڕووباری خازر لەزێی بچووك خنكان، لەبەنداوی سماقوڵیش كوڕێك بەناوی (یوسف خەتاب عومەر) تەمەن (17) ساڵ خنكا.

پۆلیسی ڕاپەڕین رایگەیاندووە، كچ و كوڕەكە هەردووكیان دانیشتووی شارۆچكەی قەڵادزێن و تەمەنیان (20) ساڵە، كوڕەكە خوێندكارەو كچەكەش كچی ماڵەوەیە، كاتێك كچەكە كەوتۆتە ناو ڕووبارەكەوە كوڕەكە ویستوویەتی ڕزگاری بكات، بەڵام هەردووكیان خنكاون.

بەڕێوەبەرایەتی بەرگری شارستانی كۆیەش لە ڕاگەیەندراوێكدا بڵاویكردەوە، ئەو كەسەی لەبەنداوی سماقوڵی خنكاوە دانیشووی هەولێر بووە بەهۆی نەشارەزایی لە بەنداوی سماقوڵی لەكاتی مەلەكردندا خنكاوە.