قەڵادزێ... لە ڕووداوێكی هاتووچۆدا هاوڵاتیەك گیان لەدەست دەدات

24/08/2019 - 10:30 بڵاوکراوەتەوە لە هەواڵ/كوردستانی

 

بەڕێوەبەرایەتی پۆلیسی ڕاپەڕین ڕایدەگەیەنێت: دوێنێ‌ شەو لە ناحیەی ژاراوە ئۆتۆمبێلێك و ماتۆڕسكیلێك خۆیان بەیەكدا كێشاو لە ئەنجامدا شۆفێری ماتۆڕسكیلەكە گیان لەدەست دەدات.

 

بەڕێوەبەرایەتی پۆلیسی ڕاپەڕین ڕایگەیاند: دوێنێ‌ شەو لە ناحیەی ژاراوە سەر بە قەزای پشدەر ئۆتۆمبێلێكی جۆری (توێتا/ ئەدمیرال) و ماتۆڕسكیلێك خۆیان بەیەكدا كێشاو لە ئەنجامدا شۆفێری ماتۆڕسكیلەكە بەناوی ( أ . س . م ) تەمەن 20 ساڵ، پیشەی كاسب، دانیشتووی قەڵادزێ گوندی (كەوێ بابەسەن) گیانی لەدەستدا.

 

هەروەها وتیشی: پاش گەیاندنی بریندارەكە بۆ نەخۆشخانەی گشتی قەڵادزێ و دوای چارەسەری سەرەتایی بەهۆی سەختی برینەكەیەوە بەڕێكرا بۆ سلێمانی، بەڵام بەهۆی سەختی برینەكەیەوە گیانی لەدەستدا.

 

ئاماژەی بەوەشداوە: بە بڕیاری دادوەر و بە ماددەی 24 بڕگەی 1 لە یاسایی هاتووچۆی هەمواركراو شۆفێری ئۆتۆمبێلەكە دەستگیركراوەو مەلەفی لێكۆڵینەوە بۆ ڕووداوەكە كراوەتەوە.