سلێمانی... سێ كەس بەتۆمەتی ڕفاندنی كچێك دەستگیركران

25/08/2019 - 14:51 بڵاوکراوەتەوە لە هەواڵ/كوردستانی

 

بەڕێوبەرایەتی پۆلیسی سلێمانی ڕایدەگەیەنێت: مەفرەزەكانی بنكەی پۆلیسی ئازادی سێ تۆمەتباریان دەستگیركرد كە كچێكیان ڕفاندبوو.

 

بەڕێوبەرایەتی پۆلیسی سلێمانی لە ڕاگەیەنراوێكدا كە وێنەیەك دەست كوردیو كەوتووە ڕایگەیاند: پاش تۆماركردنی سكاڵای یاسایی لەلایەن هاوڵاتییەكەوە كە كچەكەی ڕفێنراوە، هێزەكانی پۆلیس لێكۆڵینەوەكانیان دەستپێكردو زانیاری پێویستیان لەسەر تۆمەتباران كۆكردەوەو لەماوەیەكی كەمدا توانرا دوو تۆمەتبار بەناوەكانی (د.ك.م – م.غ.م) دەستگیربكرێن.

 

هەروەها وتیشی: دواتر توانرا تۆمەتباری سەرەكی بەناوی (ن، ك، ق) دەستگیر بكرێت كە لەكاتی دەستگیركردنیدا كچەكەشی لەگەڵدا بووەو، لەئێستادا هەرسێ تۆمەتبار بەبڕیاری دادوەرو بەپێی ماددەی ٤٢١ ڕاگیراون و لێكۆڵینەوەكان بەردەوامن.