ئاگادارییەک لە وەزارەتی خوێندنی باڵا بۆ دەرچوانی (۱۲)ی ئامادەیی

27/08/2019 - 22:41 بڵاوکراوەتەوە لە هەواڵ/كوردستانی

 

 

لە سەرەتای هەفتەی داهاتوەوە دەرچوانی قۆناخی دوانزەی ئامادەیی (خولی یەکەم و دوەم) دەتوانن وشه‌ی تێپه‌ڕو نهێنی (پاسۆرد و یوزه‌رنه‌یم) لە خوێندنگەکانیان وەربگرنەوە.

عەباس ئەکرەم وتەبێژی وەزارەتی خوێندنی باڵا و توێژینەوەی زانستی ڕایگەیاند: دوای هەوڵەکانی بەڕێوەبەرایەتی گشتی خوێندن و پلاندانان و بەدواداچون لە وەزارەت و ناوەندی وەرگرتنی خوێندکاران، توانرا وشه‌ی تێپه‌ڕو نهێنی (پاسۆرد و یوزه‌رنه‌یم) بۆ سەرجەم دەرچوان ئامادەبکرێت و، ئەمڕۆش وشه‌ی تێپه‌ڕو نهێنی (پاسۆرد و یوزه‌رنه‌یم) ڕه‌وانه‌ی وەزارەتی پەروەردە كرا.

وته‌بێژی وه‌زاره‌تی خوێندنی باڵا و توێژینه‌وه‌ی زانستی داوا لە دەرچوانی پۆلی دوانزەی ئامادەیی بەهەردو خولی یەکەم و دوەم دەکات لە سەرەتای هەفتەی داهاتوەوە سەردانی خوێندنگەکانیان بکەن بۆ وه‌رگرتنه‌وه‌ی وشه‌ی تێپه‌ڕو نهێنی (پاسۆرد و یوزه‌رنه‌یم)، وتیشی پێویستە دەرچوان بەباشی پاسۆرد و یوزەرنەیمەکانیان بیپارێزن، چونکە دواتر لەڕێگەی ئه‌و (پاسۆرد و یوزەرنەیم)ه‌ دەتوانن (زانکۆلاین) پڕبکەنەوە.