وەزارەتی دارایی و ئابووری تایبه‌ت به‌فه‌رمانبه‌ران و مامۆستایان بڕیارێكی نوێی دەركرد

28/08/2019 - 09:38 بڵاوکراوەتەوە لە هەواڵ/كوردستانی

 

به‌پێی نووسراوێك كه‌ دوێنێ سێشه‌ممه‌ 27 ی 8 ی 2019 ، وه‌زاره‌تی دارایی و ئابووری هه‌رێمی كوردستان بڵاوی كرده‌وه‌ بریاریدا كه‌ ئەو مامۆستا و فەرمانبەرانەی بەمۆڵەتی بێ مووچە و كۆكراوە بڕوانامەی ماستەر و دكتۆرایان بە دەست هێناوە لە دەرەوەی وڵات، یەكسانكردنی بڕوانامەكانیان بۆ دەكرێت.

وه‌زاره‌تی دارایی و ئابووری هه‌رێمی كوردستان راشیده‌گه‌ێنێت ، هیچ جۆرە دەرماڵە و خەرجییەكیان بۆ ناكرێت لەو كاتەی سەرقاڵی خوێندن بوونە و دوای یەكسانكردنی بڕوانامەكانیان، سوودمەند دەبن لە سەرجەم مافە داراییەكانیان.

وه‌زاره‌تی دارایی و ئابوری هه‌رێمی كوردستان ده‌شڵێت ، ئەو نووسراوە سەرجەم ئەو فەرمانبەرانە دەگرێتەوە كە لە ساڵی 2018 دەستیان كردووە بە خوێندن و ئەوانەشی یەكسانكردنی بڕوانامەكەیان بكەوێتە دوای ئەو ڕێكەوتە.