ماتۆڕسوارێك بە چەكی بێ‌ دەنگ كەسێكی كوشت

31/08/2019 - 09:00 بڵاوکراوەتەوە لە هەواڵ/كوردستانی

 

 

ماتۆڕ سوارێك بە دەمانچەی بێدەنگ كەسێكی لەناو شارەدێی قەرەتەپە كوشت و هەڵهات بۆ شوێنێكی نادیار.

ئێوارەی دوێنێ‌ لەناو بازاڕی شارەدێی قەرەتەپەی سەر بە شارۆچكەی خانەقینی پارێزگای دیالە، ماتۆڕ سوارێك لە ڕێگەی دەمانچەی بێدەنگەوە تەقەی لە كەسێك كردو كوشتی، بكوژەكە هەڵهات بۆ شوێنێكی نادیار، دوای ڕووداوەكە پۆلیس دەستی بە پشكنین كرد بەمەبەستی دەستگیركردنی.

(سەلاح بابان) ئەندامی ئەنجوومەنی شارەدێی قەرەتەپە، بۆ ڕۆژنیوز وتی: ماتۆڕ سوارێك لە ڕێگەی دەمانچەی بێدەنگەوە لەناو بازاڕی قەرەتەپە تەقەی لە هاوڵاتیەك كردووەو كوشتویەتی و هەڵهاتووە بۆ شوێنێكی نادیار.

ئەو ئەندامەی ئەنجوومەنی شارەدێی قەرەتەپە وتیشی: بەمەبەستی دەستكیركردنی بكوژەكە، بۆ ماوەی دوو كاتژمێر سەرجەم ڕێگاكانی سنوورەكە داخران، دوای ئەوەی پشكنین تەواو بوو نەتوانرا بكوژەكە دەستگیربكرێت.

بەپێی وتەی (سەلاح بابان) پێدەچێت هۆكاری ڕووداوەكە كێشەی كۆمەڵایەتی بووبێت، ئەو كەسەی كوژراوە دانیشتووی شارەدێی عوزێمی سەر بە پارێزگای دیالەیە.