دەرچوانی دوانزەی ئامادەیی دەتوانن وشەی تێپەڕو نهێنی یەكانیان وەربگرنەوە

31/08/2019 - 12:04 بڵاوکراوەتەوە لە هەواڵ/كوردستانی


وتەبێژی وەزارەتی خوێندنی باڵا و توێژینەوەی زانستی ڕایدەگەیەنێت: لە سەرەتای ئەم هەفتەوە دەرچوانی قۆناخی دوانزەی ئامادەیی (خولی یەكەم و دوەم) دەتوانن وشەی تێپەڕو نهێنی (پاسۆرد و یوزەرنەیم) لە خوێندنگەكانیان وەربگرنەوە.

 

عەباس ئەكرەم وتەبێژی وەزارەتی خوێندنی باڵا و توێژینەوەی زانستی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: توانرا وشەی تێپەڕو نهێنی (پاسۆرد و یوزەرنەیم) بۆ سەرجەم دەرچوان ئامادەبكرێت و وشەی تێپەڕو نهێنی (پاسۆرد و یوزەرنەیم) ڕەوانەی وەزارەتی پەروەردە كراوە.

 

وتەبێژی وەزارەتی خوێندنی باڵا و توێژینەوەی زانستی داوا لە دەرچوانی پۆلی دوانزەی ئامادەیی بەهەردو خولی یەكەم و دوەم دەكات لە سەرەتای ئەم هەفتەوە سەردانی خوێندنگەكانیان بكەن بۆ وەرگرتنەوەی وشەی تێپەڕو نهێنی (پاسۆرد و یوزەرنەیم)، وتیشی پێویستە دەرچوان بەباشی پاسۆرد و یوزەرنەیمەكانیان بیپارێزن، چونكە دواتر لەڕێگەی ئەو (پاسۆرد و یوزەرنەیم)ە دەتوانن (زانكۆلاین) پڕبكەنەوە.