سلێمانی... لەماوەی یەك مانگدا 68 تەن خۆراك و شتومەك لەناوبراوە

01/09/2019 - 15:59 بڵاوکراوەتەوە لە هەواڵ/كوردستانی

 

قائیمقامیەتی قەزای مەڵبەندی سلێمانی ڕایدەگەیەنێت: لە مانگی رابردوودا ئەو شمەك و خۆراكانەی لەلایەن لیژنە هاوبەشەكانی قایمقامیەتی سلێمانییەوە دەستیان بەسەردا گیراوە و شیاو نەبوون بۆ خواردن و بەكارهێنان (68) تۆن بووە.

 

قائیمقامیەتی قەزای مەڵبەندی سلێمانی لەڕاگەیەنراوێكدا كە وێنەیەكی دەست كوردیو كەوتووە ڕایگەیاند: بەپێی راپۆرتی لیژنەی لەناوبردنی سەر بە لیژنە هاوبەشەكانی قائیمقامیەتی سلێمانی، لە مانگی (8)ئابدا دەستگیراوە بەسەر بڕێكی زۆر لە خۆراك و شمەك و موادی پاكەرەوە و كەرەستەی بیناسازی كە بەرواری بەكارهێنانیان بەسەرچووە یان بەهۆی خراپ گواستنەوە و عەمباركردنەوە خراپبوون و شیاو نەبوون بۆ خواردن.

 

ئاماژەی بەوەشداوە: بەپێی راپۆرتەكە دیارترین ئەو خۆراك و شمەكانی بریتی بوون لە (برنج و هێلكە و خورما و شەربەت و دۆشاوی تەماتە و خۆراكی لەقوتونراو و شامپۆ و پاكەرەوە و جگەری ئێرانی و دەمانچەی مورو و بابەتی جوانكاری ژنان.