گەنجێكی عەرەب لەهەولێر سەردەبڕدرێت

01/09/2019 - 19:27 بڵاوکراوەتەوە لە هەواڵ/كوردستانی

 

 

لە كەمپی ئاوارەكانی دیبەگە لە سنوری پارێزگای هەولێر، گەنجێكی عەرەب بە چەقۆ سەر بڕدراو تاكو ئێستاش دیار نییە كێ ئەو گەنجەی كوشتووە.

بەیانی ئەمڕۆ لە كەمپی ئاوارەكانی دیبەگەی سنوری پارێزگای هەولێر، تەرمی گەنجێكی تەمەن (20) ساڵی عەرەب لە ماڵی خۆیدا دۆزرایەوە.

لە بارەی رووداوەكەوە سەرچاوەیەكی ئاگادار لە ڕووداوەكە بە ڕۆژنیوزی ڕاگەیاندووە، گەنجەكە ئاوارەی شاری موسڵەو نیشتەجێی كەمپی دیبەگەیەو شەوی ڕابردوو لەلایەن كەسانی نەناسراوە بە چەقۆ لە ماڵەكەیدا سەربڕدراوەو بەیانی ئەمڕۆش بە ڕووداوەكە زانراوە، هەمان سەرچاوە وتیشی : پۆلیس و ئاسایش دەستیان بە لێكۆڵینەوە لە ڕووداوەكە كردووە، بەڵام تا ئێستا نەزانراوە گەنجەكە لەسەر چی و لەلایەن كێوە كوژراوە.

كەمپی دیبەگە لە سنوری شارەدێی دیبەگەی سەر بە پارێزگای هەولێرەو لە دوای هێرشی چەكدارەكانی داعش بۆ سەر شاری موسڵ بەشێك لە خەڵكی ئەو شارەی تێدا نیشتەجێبوون.