ژمارەیەك كارگوزاری تەندروستی سلێمانی ژەهراویبون، هۆكارەكەی لە كوردیو بزانە

02/09/2019 - 11:30 بڵاوکراوەتەوە لە هەواڵ/كوردستانی

 

وتەبێژی بەڕێوەبەرایەتی گشتی تەندروستیی سلێمانی ڕایدەگەیەنێت: شەوی ڕابردوو بەشێك لە كارگوزارەكانی نەخۆشخانەی فریاكەوتنی سلێمانی بەهۆی تەندروست نەبوونی چێشتخانەی نەخۆشخانەكەوە ژەهراوی بوون.


یاد نەقشبەندی وتەبێژی بەڕێوەبەرایەتی گشتی تەندروستیی سلێمانی لە كۆنفرانسێكی ڕۆژنامەوانیدا، رایگەیاند: شەوی ڕابردوو ژمارەیەك لە كارگوزاری نەخۆشخانەی فریاكەوتنی سلێمانی ژەهراوی بوون لەو ئێستادا پێنج كەسیان لەژێر چاودێریی پزیشكیدان.


هەروەها ووتیشی: لە دوای لێكۆڵینەوە دەركەوت هۆكاری ژەهراوی بونی كارمەندەكان دەگەرێتەوە بۆ ئەو شوێنەی خواردنەكەی لێ ئامادەكراوە كە لە ڕوی تەندروستیەوە گونجاو نەبوەو كۆمپانیای جێبەجێكار لە دەرەوەی نەخۆشخانە خواردنی هێناوەو بەبڕی ملیۆنێك دینار سزا دراوەو چێشتخانەكەش داخراوە.