سلێمانی... پۆلیسێك هێرش دەكاتە سەر مامۆستایەك، ڕوداوەكە لە كوردیو بزانە

03/09/2019 - 09:50 بڵاوکراوەتەوە لە هەواڵ/كوردستانی


وەزارەتی پەروەردەوەی حكومەتی هەرێمی كوردستان ڕایدەگەیەنێت: دوێنێ دووشەمە، ڕێكەوتی ٢ی٩ی٢٠١٩ پۆلیسێك سەر بە لیوای نەوت و گاز هێرشی كردە سەر مامۆستایەك و لەئێستادا پۆلیسەكە دەستگیركراوە.


وەزارەتی پەروەردەوەی حكومەتی هەرێمی كوردستان لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: دوێنێ دووشەمە، ڕێكەوتی ٢ی٩ی٢٠١٩ پۆلیسێك سەر بە لیوای نەوت و گاز بەناوی (هـ. ع. م. ق) هێرشی كردۆتە سەر مامۆستایەك بە ناوی (ٲ. ر. ك) لەبەردەم بینای بەڕێوبەرایەتی پەروەردەی سلێمانی، بەهۆی ئەوەی پۆلیسی ناوبراو خوێندكارە و لەكاتی ئەنجامدانی ئەزمونە گشتیەكانی پۆلی ١٢ دا گزی (قۆپیە)ی كرووە.


هەروەها ئەوەشی خستەڕوو: مامۆستای ناوبراو یاریدەدەری بەڕێوبەری هۆڵ بووە و خوێندكارەكەی بە گزییەوە گرتوە، وێرای ئەمە پۆلیسی ناوبراو هەڕەشەی لە چەند مامۆستایەكی دیكە كردووە كە چاودێری هۆڵ بوون لە قوتابخانەی سەگرمە.


ئاماژەی بەوەشكرد:  لەئێستادا ئەو پۆلیسە دەستگیركراوەو ڕوبەڕوی یاسای دەكەنەوە.