هەولێر... ڕێورەسمی كۆتایی خولی پێگەیاندنی تواناكانی گەنجان بەڕێوەچوو

04/09/2019 - 11:35 بڵاوکراوەتەوە لە هەواڵ/كوردستانی


بە ئامانجی پێگەیاندنی گەنجی بە توانا و لێهاتوو بۆ خزمەتكردنی ئایین و نیشتمان ئێوەرەی ڕۆژی سێ شەممە بەرواری 3\9\2019 بە ئامادەبوونی بەرێز مامۆستا سەلاحەدین محەممەد بەهائەدین ئەمینداری گشتی یەكگرتووی ئیسلامیی كوردستان و ژمارەیەك لە ئەندامانی سەركردایەتی و بەرپرسی دەزگا و ناوەندەكان لقی ناوشار لە مەڵبەندی دووی هەولێری یەكگرتوو رێورەسمی كۆتایی خولی پێگەیاندنی تواناكانی گەنجانی ساز كرد.

 

لە وتەیەكی كە پێشكەشی ئامادەبوانی كرد ئەمینداری گشتی یەكگرتوو پیرۆزبایی لە دەرچوان و دەست خۆشی لە مامۆستا و سەرپەرشتیاری خولەكە كرد.

 

لەبەشێكی تری وتەكانی دا ئاماژەی بە گرنگی سەری ساڵی كۆچیی كرد لە ژیانی موسلمانان و كۆچكردنی بە وێستگەی مرۆڤی دامەزراو و خۆ فیداكردن لە پێناو گەیاندنی پەیامی راستی ئیسلام بە مرۆڤایەتی و دەرچوون لە ستەم و زۆرداری و دەسەڵاتی ستەمكار وەسف كرد.


ئاماژەی بەوەشكرد ئەوانەی لە مەككەوە كۆچیان كرد بۆ مەدینە، دامەزراو و پەروەردە كراوبوون بۆیە هەمووشتێكیان لە پێناو كۆچ و رزگاری فەرامۆش كرد.

 

لە كۆتاییدا لەلایەن ئەمینداری گشتی بروانامەی بەشداربوون بە بەشداربوان و مامۆستاكانی بەخشی .

ئەلبوومی وێنەکان