هۆشداری دەدرێتە ڕۆژنامەنوسان، ئەندامێتی لەدەست دەدەن

04/09/2019 - 14:11 بڵاوکراوەتەوە لە هەواڵ/كوردستانی


ئەنجوومەنی سەندیكای ڕۆژنامەنووسانی كوردستان هۆشداری دەداتە ڕۆژنامەنوسان و ڕایدەگەیەنێت: هەر ئەندامێك چوار ساڵ ئابوونەی یەك بەدوای یەكی نەدابێت ، ئەندامێتی لەدەست دەدات.


ئەنجوومەنی سەندیكای ڕۆژنامەنووسانی كوردستان لە ئاگاداری نامەیەكدا كە ئاڕاستەی ڕۆژنامەنوسانی كردووە، ڕایگەیاند:" ئەنجوومەنی سەندیكای رۆژنامەنووسانی كوردستان، ئاگاداری تێكرای ئەندامانی خۆی دەكاتەوە، هەر ئەندامێك چوار ساڵ ئابوونەی یەك بەدوای یەكی نەدابێت، ئەنجوومەنی سەندیكا ناوی لە تۆماری گشتی سەندیكا دەسرێتەوەو ئەندامێتی لەدەست دەدات.


هەروەها ئەنجوومەنی سەندیكای ڕۆژنامەنووسانی كوردستان ئەوەشی خستەڕوو: دوا وادەش بۆ جێبەجێكردنی ئەم بریارە كۆتایی مانگی (11/ 2019 ) یە.