ئەندام پەرلەمانێك : لەهەر عەریزەیەكی ئەلكترۆنی 10هەزار ديناری بۆ یەكێتی وپارتی یە

04/09/2019 - 17:31 بڵاوکراوەتەوە لە هەواڵ/كوردستانی

 

ئەندامێكی پەرلەمانی كوردستان ڕایدەگەیەنێت: گۆڕینی كاری عەریزەنوسی بۆ ئەلكترۆنی لەبەرژەوەندی یەكێتی وپارتی دایە و هەریەكەیان لە ڕێگای كۆمپانیاكانی سەربەخۆیان هەوڵی قۆرخكاریان داوە لە گۆڕینی سیستەمەكە.


سۆران عومەر، ئەندامی پەرلەمانی كوردستان بە كوردیوی ڕایگەیاند: ئەوكۆمپانیایەی كاری ئەلكترۆنی كردنی عەریزەنوسی گرتۆتە ئەستۆ گوایە بەریتانیەبەڵام دورە لە ڕاستی و لەو 25 هەزارەدینارەی لەهاوڵاتیان وەردەگیرێت 10هەزار دیناری بۆ یەكێتی وپارتییە.


ئەوەشی خستەڕوو: یەكێتی و پارتی لەڕێگای كۆمپانیاكانی سەربەخۆیان پارەكەیان دابەشكردووە بەجۆرێك 10هەزاری بۆ كۆمپانیاكانی خۆیانە كە كارەكە دەكات و 2500 دیناریش بۆكارمەندی جێ بەجێ كارە.


جێگەی ئاماژە بۆكردنە ماوەیەك پێش ئێستا بڕیاردرا بەگۆڕینی كاری عەریزەنوسی بۆ ئەلكترۆنی بڕیارەكەش بە هۆی بەرزی نرخی تێچوی عەریزەیەكەوە نیگەرانی و ناڕەزایی هاوڵاتیانی لێكەوتەوە وعەریزەنوسەكانیش بایكۆتی كارەكانیان كرد.