ئەمینداری یەكگرتوو: ئێمە پەیامی ئیصلاح و هیدایەتمان هەڵگرتووە

05/09/2019 - 09:36 بڵاوکراوەتەوە لە هەواڵ/كوردستانی



دوێنێ چوارشەممە 4\9\2019 بەرێز مامۆستا سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان بەشداری لە گەشتێكی مەڵبەندەكانی ئاكرێ و شێخان و یەكەی بەردەڕەشی لە دەڤەری ئاكرێ كرد.

 

ئەمینداری گشتی لە وتەیەكدا بۆ ئامادەبووان وێرای پیرۆزباییكردنی سەری ساڵی كۆچی و تیشك خستە سەر كۆچ و ئەو گۆڕانكاریە ریشەییانەی لەدوای كۆچ بەرهەمهاتن ئاماژەی بەوەكرد كە بەرەوپێشچونی هەر كۆمەڵگەو گروپ و حزبێك مەكەو مەدینەیەكی پێویستە.

 

ئەوە كۆچە پێمان دەڵێ كە خۆڕاگرییە دەمانگەیەنەتە ئەو ئامانجەی بۆی تێدەكۆشین.

 

ئەمینداری گشتی یەكگرتوو رایگەیاند: ئێمە پەیامی ئیصلاح و هیدایەتمان هەڵگرتووە بۆ خزمەتكردنی نیشتمان و وڵاتە و بەمنەت بەكەسی نافرۆشینەوە چونكە ئێمە دامەزرێنەری ئەو فیكرەین، ئێمەی یەكگرتوو خەمی ئەساسیمان قیامەتی خۆمانە.

 

لە كۆتایی دا سوپاس و دەستخۆشی لە كادیرانی ئەو دەڤەرە كرد و هیوای سەركەوتن و بەردەوامی بۆ خواستن و كادیرو ڕێكخستنی ئەو دەڤەرەی بە خۆڕاگر و دڵسۆز بۆ كاروانی یەكگرتوو وەسفكرد .