سبەی ئەنجوومەنی وەزیرانی هەرێم كۆدەبێتەوە

10/09/2019 - 18:30 بڵاوکراوەتەوە لە هەواڵ/كوردستانی


سەرچاوەیەک لە ئەنجوومەنی وەزیرانی هەرێمی كوردستانەوە رایگەیاند کاتژمێر 11ی پێش نیوەڕۆی سبەی چوارشەممە کۆبوونەوەی ئەنجوومەنی وەزیران ئەنجام دەدرێ و سێ تەوەر تاوتوێ دەكرێت.


بە پێی سەرچاوەكە، تەوەرەکانی کۆبوونەوەكە بریتی دەبن لە خستنەڕووی دەرەنجامی کۆبوونەوەی هاوبەشی حکومەتی هەرێمی کوردستان و فراکسیۆنە کوردستانییەکان لە پەرلەمانی عێراق، کە رۆژی 8 ی ئەیلوول ئەنجام درا.


هەروەها گفتوگۆ لەبارەی کاریگەری و مەترسیەکانی پڕۆژەی سەرژمێری دەكرێ، کە بڕیارە لە ساڵی 2020دا لە عێراق ئەنجام بدرێت.


هەروەها بڕیاریشە كە ئەنجوومەنی وەزیران گفتوگۆ لەبارەی چەند بابەتێکی پەیوەندیدار بە وەزارەتی دارایی هەرێمی كوردستان دەكات.