سلێمانی... دەستبەسەر جگەری ناتەندروستدا گیرا

14/09/2019 - 09:33 بڵاوکراوەتەوە لە هەواڵ/كوردستانی

 

بەڕێوەبەرایەتی ئاسایشی سلێمانی ڕایدەگەیەنێت: دەستبەسەر بڕێك جگەری ناتەندروستدا گیرا كە بەشێوەی قاچاخ گواستراوەتەوە و لە ناو ماڵێكدا بە شێوازێكی ناتەندروست هەڵگیراوە.


بەڕێوەبەرایەتی ئاسایشی سلێمانی لە راگەیەندراوێكدا ڕایگەیاند: لەپێناو نەهێشتن و بنبركردنی هەموو جۆرە خۆراكێكی زیانبەخش و قاچاخ و ناتەندروست، هێزەكانیان دەستیانگرتووە بەسەر 200 كیلۆگرام جگەری مریشكی ئێرانیدا، كە بەشێوەی قاچاخ و ناتەندروست گواستراوەتەوە و لە ناو ماڵێكدا لە گەڕەكێكی شاری سلێمانی بە شێوازی زۆر ناتەندروست هەڵگیراوە و ئامادە كرابوو بۆ ساغكردنەوە لە بازاڕدا.


لە ڕاگەیەندراوەكەدا ئەوەش هاتووە: پێش ئەوەی جگەرە ئێرانییەكە بگاتە بازاڕ و ساغبكرێتەوە، دەستگیراوە بەسەریدا و دوو تۆمەتباریش دەستگیركراون.