مژدەیەك بۆ ئەم توێژە .. لەم رۆژانەدا فەرمانی دامەزراندنیان دەردەچێت

17/09/2019 - 20:01 بڵاوکراوەتەوە لە هەواڵ/كوردستانی

وەزارەتی تەندروستی هەرێم، لیستێكی نوێی دامەزراندنی پزیشكان دەخاتە بەردەم ئەنجومەنی وەزیران و راوێژكاری دارایی وەزارەتەكەش رایدەگەیەنێت: لەم رۆژانەدا ژمارەیەك لەپزیشكان و پزیشكانی ددان و دەرمانسازی دادەمەزرێن.

مۆفەق عەبدوڵڵا، راوێژكاری دارایی لەوەزارەتی تەندروستی حكومەتی هەرێم  راگەیاند: وەزیری تەندروستی سەرقاڵی گفتوگۆیە لەگەڵ ئەنجومەنی وەزیران، بەمەبەستی دامەزراندنی ژمارەیەك لەپزیشكانی گشتی و پزیشكی ددان و دەرمانسازان.

وتیشی: "رەنگە لەم رۆژانەدا ژمارەیەك لەدەرچووانی ساڵی رابردووی كۆلێژە پزیشكییەكان دابمەزرێنرێن".