سلێمانی... بەهۆی فێڵكردن كارگەیەك دادەخرێت

18/09/2019 - 10:45 بڵاوکراوەتەوە لە هەواڵ/كوردستانی

 

قائیمقامیەتی قەزای مەڵبەندی سلێمانی ڕایدەگەیەنێت: بەهۆی فێڵكردن لەهاوڵاتیان لیژنە هاوبەشەكانی قائیمقامیەتی سلێمانی كارگەیەكی تایت دادەخرێت.


قائیمقامیەتی قەزای مەڵبەندی سلێمانی لە ڕاگەیەنراوێكدا كە وێنەیەكی دەست كوردیو كەوتووە ڕایگەیاند: لەلایەن بەڕێوەبەرایەتی ئاسایشی سلێمانیەوە زانیاری لەسەر هەبونی كارگەیەك دراوە بە لیژنە هاوبەشەكانی قائیمقامیەتی سلێمانی كە خاوەنەكەی بەنیازبووە تایتی هاوردەكراو بكات بە‌ تایتێكی بەناوبانگ و لەبازاڕەكانی شاری سلێمانی بەهاوڵاتیانی ‌بفرۆشێت.


‌‌هەروەها ئەوەشی ووتوە: كارگەكە لەناوچەی تانجەرۆی شاری سلێمانییە و تیایدا دەست بەسەر ئامێری تێكردنەوەی تایت بۆ زەرف، (8) تۆن تایتی جۆراوجۆر، (7)هەزار كارتۆنی بەتاڵی چاپكراو لەجۆری (سۆپەربای) لەگەڵ (680) كیلۆگرام نایلۆنی بەتاڵ كەبۆ تێكردنەوەی تایتەكە سودیان لێبینیوە.


ئەوەشیخستەڕوو: بەفەرمانی قائیمقامی سلێمانی و لەلایەن لیژنەهاوبەشەكانەوە كارگەكە دادەخرێت و خاوەنەكەشی روبەروی رێكاری یاسایی دەكرێتەوە.