یڕیارێك له‌لایه‌ن وه‌زاره‌تی داراییه‌وه‌ ده‌ده‌كرێت

21/09/2019 - 15:41 بڵاوکراوەتەوە لە هەواڵ/كوردستانی

وه‌زاره‌تی دارایی و ئابووری هه‌رێم بڕیاریدا به‌ نوێکردنەوەی گواستنەوەی پۆستەی هەرێمی کوردستان بۆ سه‌رجه‌م وڵاتانی جیهان ئه‌مه‌ش دوای ئه‌وه‌ی دوای ئه‌وه‌ی حكومه‌تی هه‌رێم سه‌رجه‌م قه‌رزه‌كانی حكومه‌تی عێراق له‌بواری پۆسته‌ دایه‌وه‌.

به‌ بڕیاری ژماره‌ (9325)ی وه‌زاره‌تی دارایی و ئابووری هه‌رێم ، ره‌زامه‌ندی داوە له‌سه‌ر نوێکردنەوەی گواستنەوەی پۆستە له‌ هه‌رێمه‌وه‌ بۆ سه‌رجه‌م وڵاێتانی جیهان له‌ڕێگەی کۆمپانیای (الاتجاه العراق) و بە هێڵی ئاسمانی (المملکە الاردنیە) بەبڕی حه‌وت هەزار دینار بۆ هەر کیلۆیەک كه‌لوپه‌ل و شتومه‌ك.

به‌پێی بڕیاره‌كه‌ی وه‌زاره‌تی دارایی، دوای ته‌واوبوونی ئه‌و گرێبه‌سته‌ كاری ته‌نده‌رین بۆ گرێبه‌سته‌كه‌ ئه‌نجامده‌درێت.

به‌هۆی ئه‌وه‌ی پۆسته‌ی هه‌رێم بڕی دوو ملیار دینار قه‌رزداری حكومه‌تی عێراق بوو، بۆیه‌ ماوه‌ی نزیكه‌ی دوو ساڵه‌ یه‌كێتی پۆسته‌ی جیهانی له‌سه‌ر داوای عێراق كاره‌كانی پۆسته‌ی هه‌رێمی كوردستانی راگرتبوو، به‌ڵام ماوه‌ی نزیكه‌ی سێ مانگه‌ كاره‌كاتی پۆسته‌ی هه‌رێم ده‌ستپێكردووەته‌وه‌.

به‌هۆی قه‌یرانی داراییه‌وه‌ له‌دوای 2014_ه‌وه‌، ئاستی ئاڵوگۆڕی كه‌لوپه‌ل له‌ پۆسته‌گه‌یاندنی هه‌رێم به‌شێوه‌یه‌كی به‌رچاو دابه‌زیووه‌.

سه‌نته‌ری نێوده‌وڵه‌تی هه‌ولێر بۆ ئاڵوگۆڕی پۆسته‌ له‌ ساڵی 2007 دامه‌زراوه‌، به‌ڵام به‌هۆی گرفتی دارایی له‌سه‌ر داوای به‌غدا و له‌ مانگی 10ی 2017 كاره‌كانی له‌لایه‌ن یه‌كێتی نێوده‌وڵه‌تی پۆسته‌وه‌ راگیرابوو.