هەواڵێكی گرنگ بۆ سەرجەم هاوڵاتیان..بەمشێوەیە دادەمەزرێن

22/09/2019 - 10:00 بڵاوکراوەتەوە لە هەواڵ/كوردستانی

لەسەر دامەزراندن و لەبری دانان بۆ فەرمانبەری شارستانی لەدەزگاو دامەزراوە حكومیەكان ڕونكردنەوە دەدرێت، بەڕێوەبەری دیوانی یەكێك لەوەزارەتەكانی حكومەتی هەرێم ڕایدەگەیەنێت، "لەبری دانان بۆ فەرمانبەرە گرێبەستەكان هەیەو ئەو هەنگاوەش لەئێستادا كاری پێدەكرێت".

خەلیل عەبدوڵڵا بەڕێوەبەری گشتی دیوان لەوەزارەتی ڕۆشنبیریی حكومەتی هەرێم ڕاگەیاند، "لەئێستادا دامەزراندن نییەو لەهەمانكاتیشدا گەڕانەوە نییە كە ئەگەر فەرمانبەرێك دەستبەرداری كارەكەی بوبێت پێشتر، بۆیە ئەو فەرمانبەرانەی پێشتر بەگرێبەست دانراون لەحاڵەتێكدا كە وازدەهێنن و گرێبەستەكەیان هەڵدەوەشێتەوە بەگوێرەی پێویستی دەبێت شوێنەكانیان پڕدەكرێتەوە".

وتیشی:"لەبری دانان تەنها بۆ كارمەندی گرێبەست هەیەوكاتێك دەستبەرداری پیشەكەی دەبێت وەكو گرێبەست ئەوا كەسێكی دیكە دەخرێت شوێنەكەی كە موچەیان لەنێوان (300، 400و 500) هەزار دیناردایەو لەزۆرینەی فەرمانگەكاندا ئەو هەنگاوە كاری پێدەكرێت".

بەرپرسەكەی وەزارەتی ڕۆشنبیریی ڕاشیگەیاند، "لەسەر ئاستی دەزگاو دامەزراوە حكومیەكان كاتێك یەكێك لەفەرمانبەرە گرێبەستەكان دەستبەرداری گرێبەستەكە دەبێت بەڕێوەبەری فەرمانگەكەی ڕاستەوخۆ سەروخۆی ئاگاداردەكاتەوەو كەسێكی دیكە بۆ شوێنەكەی دیاریدەكرێت كە بتوانێت ئەوكارەی پێویستدەكات ڕایی بكات لەئەستۆی بگرێت لەبری فەرمانبەرەگرێبەستەكەی پێشتركە وازدەهێنێت".

 

 

 

snn