چەمچەماڵ ...هاوڵاتیەك بەچەكی كڵاشینكۆڤ دەستگیر دەكرێت

22/09/2019 - 10:25 بڵاوکراوەتەوە لە هەواڵ/كوردستانی


پۆلیسی دارستان و ژینگەی چەمچەماڵ رایدەگەیەنێت بەمەبەستی پارستنی ژینگەی دارستان و شوێنە گشتیەكان كەسێكیان دەستگیركردوە كەسەقاڵی راوكردن بووە.


پۆلیسی دارستانی چەمچەماڵ لە راگەیەنراوێكدا كەوینەیەكی دەست كوردیو كەوتوە رایگەیاندوە"م بەداخەوە هەندێك لە هاووڵاتیان تەنها لەبەر حەزێكی تایبەتی خۆیان دەست دەخەنە سروشت ژینگە و تێكی دەدەن، چ بە بڕینەوەی داری دارستانەكان یاخود تێكدان و شێواندنی تۆبۆگرافیای سروشت و ژینگە یان لە ناوبردنی ئاژەڵ و باڵندەی كێوی."


ئاماژەی بەوەشداوە"بەمەبەستی ریگریكردن لە كاری نایاسایی لە ئەنجامی دەرچوون و كێوماڵكردنی سنوری چالاكیان مەفرەزەیەكی بەشی پۆلیسی دارستانی چەمچەماڵ توانیان تۆمەتبارێك لە نزیك چەمی ( باسەڕە ) دەستگیر بكەن"


هەرلە راگەیەنراوەكەدا ئەوەش هاتووە"ئەو كەسە باڵندەیەكی كێوی ( حاجی لەق لەق ) ی راوكردبوو، لەگەڵ دەست بەسەراگرتنی چەكێك لە جۆری ( كڵاشینكۆڤ ) وپەڕاوی لێكۆڵینەوەی بۆ كراوەتەوەو ڕادەستی دادوەر كراوە بۆ وەرگرتنی ڕێكاری یاسایی."