سەنگاو... زیاتر لە 100 دۆنم پوش و پاوان دەسوتێت

22/09/2019 - 13:37 بڵاوکراوەتەوە لە هەواڵ/كوردستانی


بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت: ئاگرێكی بەرفراوان لە شاخی سەگرمە كەوتەوەو توانیان ئاگرەكە بكوژێنەوە و كۆنترۆڵی بكەن.

 

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا كەوێنەیەكی دەیت كوردیو كەوتووە ڕایگەباند: ئاگرێكی گەورە لە شاخی سەگرمە لە سنوری گوندەكانی (رەبات، داربەڕو، قەڵاگە) كەوتەوەو مەفرەزەیەكی بنكەی پۆلیسی دارستانی سەنگاو گەیشتنە شوێنی ئاگرەكە و دوای هەوڵ و ماندوبونێكی زۆر توانیان ئاگرەكە بكوژێنەوە و كۆنترۆڵی بكەن.

 

ئاماژە بەوەشكراوە، زەرەرو زیانی ئاگرەكە مەزەندە دەكرێت بە سوتانی زیاتر لە 100 دۆنم لە پوش و پاوان و هەروەها سوتانی نزیكەی دوو هەزار داری سروشتی، وەهۆكاری ئاگركەوتنەوەكە نادیارە و لێكۆڵینەوە و بەدواداچون لەوبارەیەوە بەردەوامە.