هەولێر... بەشێك لەیەكەمەكانی زانكۆو پەیمانگاكان گردبونەوە

24/09/2019 - 14:49 بڵاوکراوەتەوە لە هەواڵ/كوردستانی

 

ئەمڕۆ سێ‌ شەممە بەشێك لە یەكەمەكانی زانكۆو پەیمانگاكانی شاری هەولێر لەبەردەم ئەنجومەنی وەزیران گردبونەوەو داوادەكەن بەرپرسان بێن بەدەم داواكاریەكانیان و دابمەزرێنرێن.

 

ئەمڕۆ سێ‌ شەممە 24-9-2019 بەشێك لە یەكەمەكانی زانكۆو پەیمانگاكان لەبەردەم ئەنجومەنی وەزیران لەشاری هەولێر گردبونەوەو داوادەكەن بەرپرسان بێن بەدەم داواكاریەكانیان ڕێز لەڕەنجی چەندین ساڵ خوێندن و ماندووبونیان بگیرێت و دابمەزرێنرێن.

 

قوتابیان ئاماژە بەوەدەكەن كە دەسەڵاتداران كەڕولاڵن و نابینن ئەگینا دەبوو وەڵاممان بدەنەوە چونكە ناڕەوایە دوای سێ‌ ساڵ تەواوكردنی خوێندن بەپلەی زۆر باش لەبری ئەوەی خەریكی نوسینی توێژینەوەی ماستەر بین لەسەرجادە داوای دامەزراندن بكەین.

 

جێگەی ئاماژەیە چەندنجار قوتابیە یەكەمەكانی زانكۆو پەیمانگاكان گردبونەتەوە بەڵام تا ئێستا هیچ كەس و لایەنێك نەهاتووە بەدەم داواكریەكانیان و دەڵێن كۆڵنادەین و بەردەوام دەبین تا مافی سەرەتایی خۆمان بەدەست دەهێنین.