قەڵادزێ... لە ڕوداوێكی هاتوچۆدا شۆفێرێك گیانی لەدەستدا

29/09/2019 - 14:01 بڵاوکراوەتەوە لە هەواڵ/كوردستانی

 

بەڕێوەبەرایەتی پۆلیسی ڕاپەڕین ڕایدەگەیەنێت: ئەمڕۆ لەناو شاری قەڵادزێ ڕوداوێكی هاتوچۆ لە نێوان ئۆتۆمبیلێك و ماتۆرسكیلێك ڕویدا لەئەنجامدا شۆفێری ماتۆرسكیلەكە گیانی لەدەستدا.

 

بەڕێوەبەرایەتی پۆلیسی ڕاپەڕین لە ڕاگەیەنراوێكدا كە وێنەیەكی دەست كوردیو كەوتوە ڕایگەیاند: بەرەبەیانی ئەمڕۆ كاتژمێر 7ی بەیانی لە ناو شاری قەڵادزێ لەسەر شەقامی گشتی گەڕەكی ئاشتی ڕوداوێكی هاتوچۆ لە جۆری پێك دادان لە نێوان ئۆتۆمبیلێكی بارهەڵگر لە جۆری ( كیا ) و ماتۆرسكیلێكی دوو تایە ڕویدا لەئەنجامدا شۆفێری ماتۆرسكیلەكە گیانی لەدەستدا.

 

ئاماژەی بەوەشداوە: شۆفێری ماتۆرسكیلەكە ناوی ( س،ح،ح ) تەمەن 20 ساڵ لە ڕەگەزی نێر دانیشتوی شاری قەڵادزێ گەڕەكی ڕاپەڕین.

 

ووتیشی: مەلەفی لێكۆڵینەوە بۆ ڕوداوەكە كرایەوە و شۆفێری بەرهەڵگرەكەش بەناوی ( ع،و ) تەمەن ٤١ ساڵ دانیشتوی شاری قەڵادزێ گەڕەكی ئاشتی بە پێی مادەی ٢٤ لە یاسای هاتوچۆ ڕاگیرا و لێكۆڵینەوە لە ڕوداوەكە بەردەوامە