هاوڵاتی كورد لەڕۆژهەڵاتی كوردستان لەسێدارە درا

01/10/2019 - 11:01 بڵاوکراوەتەوە لە هەواڵ/كوردستانی

 

ڕێكخراوی هەنگاو بۆ مافی مرۆڤی لە ڕۆژهەڵاتی كوردستان ڕایدەگەیەنێت: بەرەبەیانی ئەمڕۆ سێشەممە گەنجێكی خەڵكی سنە-ی رۆژهەڵاتی كوردستان لە بەندیخانەی ناوەندیی ئەو شارە لەسێدارە درا.


ڕێكخراوی هەنگاو بۆ مافی مرۆڤی لە ڕۆژهەڵاتی كوردستان لە راپۆرتێكدا ڕایگەیاند: بەرەبەیانی ئەمڕۆ سێشەممە 1-10-2019، سزای لەسێدارەدان بەسەر گەنجێكی خەڵكی سنە بەناوی رزگار زەندی لە بەندیخانەی ناوەندیی شاری سنە جێبەجێ كرا.


ئەوەشی خستەڕوو: ڕزگار زەندی تەمەن 24 ساڵ باوكی منداڵێكی تەمەن چوا ساڵ بوو كە چوار ساڵ پێش ئێستا بە تۆمەتی كوشتنی ئەنقەست دەستگیركرا.


ڕێكخراوەكە ئاماژەی بەوەشكرد: لە ماوەی دو رۆژی رابردودا ژمارەیەكی بەرچاو لە چالاكانی مەدەنی لە پێش بینای بەندیخانە و پاركی شارەكی سەعدی كۆبونەوە، تا بتوانن رەزامەندی بنەماڵەی كوژراوەكە بە دەست بێنن و ڕزگار لە سێدارە نەدرێت، بەڵام لە ئاكامدا بنەماڵەی كوژراو كە ئامۆزای ڕزگاریش بون، لێی خۆش نەبون و لە سێدارە درا.