بەڵێندەرانی سلێمانی: بێ‌ هیچ پاساوێك پارەی پڕۆژەكانمان وەستێنراوە

02/10/2019 - 15:21 بڵاوکراوەتەوە لە هەواڵ/كوردستانی

 

سەرۆكی یەكێتی بەڵێندەرانی سلێمانی ڕایدەگەیەنێت: بێ‌ ئاگاداری ئەوان و بێ هیچ پاساوێك لە 19ی مانگی ڕابردووەوە ئەو بڕە پارەیە وەستێنراوە كە بڕیاربوو بدرێتە بەڵێندەران.

 

ناجی شێخ عێزەدین سەرۆكی یەكێتی بەڵێندەرانی سلێمانی لە كۆنفرانسێكی ڕۆژنامەوانیدا رایگەیاند: لە 19ی مانگی ڕابردووەوە ئەو بڕە پارەیە وەستێنراوە كە بڕیاربوو بدرێتە بەڵێندەران و تائێستا حكومەت بڕیارێكی واقیعی نییە بەرامبەر بەحەق و مافی بەڵێندەران.

 

هەروەها ووتیشی: بەهۆی بڕین و نەدانی ئەو بڕە پارەیە زیاتر لە 3000 پڕۆژە دەوەستێت و بەهەزاران كەسیش زیانیان بەردەكەوێت و زۆر كەسیش بێكار دەبن و ئەگەر ەچەند ڕۆژی ڕابردودا وەڵامیان نەدرێتەوە هەڵوێستی خۆیان لەو بارەوە ڕادەگەیەنن.