مەترسیەك لەسەر گەنجانی هەولێر ئاشكرا دەكرێت

06/10/2019 - 09:03 بڵاوکراوەتەوە لە هەواڵ/كوردستانی


بەڕێوەبەری پۆلیسی هەولێر هۆشداری توند دەداتە ئەو كەسانەی نێرگەلە دەكێشن و ڕایدەگەیەنێت: لە بەشێك لە كافتریاكان ماددەی هۆشبەر دەكرێتە ناو نێرگەلەو زیانی زۆری هەیە.

 

عەبدولخالق تەلعەت بەڕێوەبەری پۆلیسی هەولێر لە كۆنفرانسێكی ڕۆژنامەوانیدا،ر ِایگەیاند: لە ئێستادا كێشەیەكی زۆر گەورەیە لە هەولێر هەیە، دەبێت هاوڵاتیان ئەوە بزانن ئەویش ئەوەیە ماددەی هۆشبەر تێكەڵ بە نێرگەلە دەكرێت.


هەورەها ووتیشی: كە ماددەی هۆشبەر تێكەڵ بە نێرگەلە كرا دواتر زۆر بەكارهێنەری نێرگەلە دەڵێت ناتوانم واز لە كێشانی نێرگە بهێنم، ئەوەش كاریگەری ماددەی هۆشبەرەو لە ڕووی تەندروستیەوە زیانی زۆری دەبێت.


بەڕێوەبەری پۆلیسی هەولێر هۆشداری توند دەداتە كافتریاكان و ڕایدەگەیەنێت: لەر ِێگای لیژنەكانمانەوە زۆر بە ووردی چاودێریان دەكیەن و لە كاتی ئاشكراكردنی ئەو حاڵەتەدا هەڵوێستی توندمان دەبێت.