هۆكاری زۆری ڕووداوەكانی هاتوچۆ ڕاگەیەندرا

07/10/2019 - 12:23 بڵاوکراوەتەوە لە هەواڵ/كوردستانی

 

لێپرسراوی هاتووچۆی بازگەكانی سلێمانی لەبارەی ڕووداوەكانی هاتووچۆوە ڕایدەگەیەنێت: لەهەندێك ڕێگاكانی هاتوچۆ شوێنی پێچی مەترسیدار هەیە، بۆیە تووشی ڕووداوی هاتووچۆ زۆر دەبن.



ڕائید مەریوان قادر لێپرسراوی هاتووچۆی بازگەكانی سلێمانی لەبارەی ڕووداوەكانی هاتووچۆ لەو سنورە دەدوێت و ڕایگەیاند: بەهۆی ئەوەی لە ڕێگەی دووكان-سلێمانی لەهەندێك شوێنی ئەو ڕێگەیە پێچی مەترسیدار هەیە، بۆیە بەشێك لەو شۆفێرانەی خێراییەكانیان لەو پێچانەدا كەمناكەنەوە، تووشی ڕووداوی هاتووچۆ دەبن.

 

ئەوەشی خستەڕوو: هۆكاری سەرەكی ڕووداوەكان تیژڕەویی، بێئاگایی و پابەندنەبوونی شۆفێرانە بە یاسا و ڕێنماییەكانی هاتووچۆوە، هاوكات جەختیكردەوە لە بەباشی جێبەجێكردنی بڕیاری هاتووچۆی سلێمانی بۆ قەدەغەی جوڵەی ئۆتۆمبێلە بارهەڵگرەكان لەبەیانیاندا.