سلێمانی... دەستبەسەر بڕێكی زۆر جگەری بەستوودا‌ دەگیرێت

07/10/2019 - 14:47 بڵاوکراوەتەوە لە هەواڵ/كوردستانی

 

لیژنە هاوبەشەكانی قائیمقامیەتی سلێمانی‌ دەست بەسەر بڕێكی زۆر جگەری بەستووی قەدەغەكراودا‌ دەگرن و سەرۆكی لیژنەكان دەڵێت: رێكاری یاسایی بەرامبەر خاوەنەكەی دەگیرێتەبەر


بێوەی ئەحمەد سەرۆكی لیژنەی دووی سەربەلیژنە هاوبەشەكانی قائیمقامیەتی سلێمانی رایگەیاند: لەلایەن لیژنەكانەوە دەست بەسەر بڕی (121) پارچە جگەری بەستووی قەدەغەكراودا گیراوە كە خاوەنەكەی‌ بەشێوەیەكی نایاسایی لە وڵاتی ئێرانەوە بەنیازی ساخكردنەوە لە بازاڕەكانی‌ شاری سلێمانی هاوردەی كردووە.


ووتیشی: بەفەرمانی قائیمقامی سلێمانی تەواوی ئەو جگەرە بەستووە‌ی لەلایەن لیژنەكەوە‌ دەستی بەسەردا گیراوە رادەستی بەڕێوەبەرایەتی ڤێتێرنەری سلێمانی دەكرێت بۆ لەناوبردن، لیژنەهاوبەشەكانیش رێكاری یاسایی بەرامبەر خاوەنەكەی دەگرنە‌بەر.

 

جێگەی ئاماژەیە بەپێی رێنماییەكانی‌ تەندروستی وڤێتێرنەری جگەری بەستوو یەكجار خاوبووەوە نابێت بۆ دوبارە بەستنەوەی‌ بخرێتەوە ناوبەفرگر، چونكە بەها خۆراكیەكەی لەدەست دەدات ودەبێت بە ناوەندێك بۆ تەشەنەكردنی میكرۆب و زیان گەیاندن بە تەندروستی مرۆڤ بۆیە هاوردەكردنی جگەر قەدەغەكراوە.