وێنەكانی ببینە، لەسلێمانی گۆڕێكی بەكۆمەڵ دۆزرایەوە

08/10/2019 - 10:17 بڵاوکراوەتەوە لە هەواڵ/كوردستانی

 

بەڕێوەبەرایەتی پۆلیسی پارێزگای سلێمانی ڕایدەگەیەنێت: لەباخێكی سیتەك سەر بە شاری پارێزگای سلێمانی گۆڕێك دۆزرایەوە كە ڕووفاتی سێ كەسی تێدایە.


بەڕێوەبەرایەتی پۆلیسی پارێزگای سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: لەگوندێكی سەر بەناحیەی سیتەكی سەر بە پارێزگای سلێمانی لەباخی هاووڵاتیەكدا گۆڕێك دۆزرایەوە، كە ڕووفاتی سێ كەسی تێدابووە .


ئەوەشی خستەڕوو: دوای ئەوەی هەواڵدەرێك سەردانی بنكەی پۆلیسی سیتەك دەكات كە لەكاتی هەڵكەندنی چاڵێكدا لەباخەكەیدا ئێسك و پروسكی مرۆڤی بەدی كردووە، دەستبەجێ‌ مەفرەزەكانی بەشی پۆلیس شارباژێڕو ئاسایشی سنورەكەو تیمەكانی بەشی پۆلیسی بەڵگەی تاوان دەگەنە شوێنی مەبەست و دوای هەڵكەندنی تەواوی گۆڕەكە دەردەكەوێت كە ئەو گۆڕە ڕوفاتی سێ‌ كەسی تێدابووە كە جلی كوردی و پانتۆڵیان لەبەردا بووە.


لە ڕاگەیەندراوەكەی بەڕێوەبەرایەتی پۆلیسی پارێزگای سلێمانی ئەوەش هاتووە: هەروەها لەناو گۆڕەكەشدا سێ‌ پارچە دراوی 50 فلسی و ناسنامەیەك دۆزراوەتەوە و لەئێستادا ڕوفاتەكان ڕەوانەی پزیشكی دادوەری كراوەو لێكۆڵینەوەكان دەستیانپێكردووە .

 

ئەلبوومی وێنەکان