سەروكێ‌ فراكسیونا یەكگرتوو: ڤێجارێ‌ ژی ب بەهانەیەكێ‌ پرۆژێ‌ چاكسازیێ‌ ناهێتە بجهئینان

08/10/2019 - 10:27 بڵاوکراوەتەوە لە هەواڵ/كوردستانی

سەروكێ‌ فراكسیونا یەكگرتوو ژی رادگەهینیت: ڤێجارێ‌ ژی ب بەهانەیەكێ‌ پروژێ‌ چاكسازیێ‌ ناهێتە جێبجێكرن، هەر چەندە لدەمێ‌ دانوستانێن پێكئینانا كابینا نوی یا حكومەتا هەرێمێ‌، لایەنێن دەستهەلاتدار پروژێ‌ چاكسازیێ‌ ب ئێك ژ بەرنامێن گرنگ یێن كابینا نوی دانابوو و دگوت: ل 100 روژێن ئێكێ‌ یێن كارێ‌ حكومەتێ‌ دێ‌ وی پروژەی جێبەجێ كەت، لێ‌ هه‌تا نها پروژە نەهاتیە پەرلەمانی.

لدور زانیاریان ژی پارتی وئێكەتی دڤێت ب بەهانەیەكێ‌ پروژێ‌ چاكسازیێ‌ جێبجێ نەكەن، چونكی دحالەتێ‌ جێبجێكرنێ‌ دا ب هزاران ژ كادرێن وان دێ‌ هێنە فەسلكرن، لەوا ژی بتنێ‌ ئەندامێن پارتێن دەستهەلات ژپارتی وئێكەتی وگۆران ژلژنه‌یا دارایی دگەل حكومەتا هەرێمێ‌ كومبوون بۆ گوتوبێژكرن ل سەر پروژێ‌ چاكسازیێ‌.

دكتور شێركۆ جەودەت سەروكێ‌ فراكسیونا یەكگرتوو بۆ سپێدە گوت: ئەو لژنە نوونەرایەتیا پەرلەمانی ناكەت، بتنێ‌ نوونەرایەتیا وان پارتان دكەت، گوت ژی: پارتێن دەستهەلاتدار د رژد نینن بۆ جێبجێكرنا پروژه‌یێ چاكسازیێ‌، و ڤێجارێ‌ ژی دڤێت ب بەهانەیەكێ‌ وی پروژەی جێبجێ نەكەت.