كوردیو زانیاری لەسەر ئەو شەڕە بڵاودەكاتەوە كە ترەمپ بەهۆیەوە گللەی لەكورد دەكات

10/10/2019 - 10:34 بڵاوکراوەتەوە لە هەواڵ/كوردستانی

 

سەرۆكی ئەمریكا گلەیی ئەوە لە كورد دەكات كە كورد لە شەڕی نۆرماندی هاوكاری هاوپەیمانانی نەكردووە، ئەو شەڕەی سەرۆكی ئەمریكا باسی دەكات لە سەر خاكی فەرەنسا و دژی نازیەكان ڕوویداوە.



شەڕی نۆرماندی، یەكێكە لەو شەڕانەی كە لە كۆتای جەنگی دووەمی جیهانییدا ڕوویدا، لەو شەڕەدا هێزەكانی هاوپەیمانان لە ڕێكەوتی 6-6-1944دا لە كەنارەكانی نۆرماندی كە دەكەوێتە باكوری فەڕەنسا، دابەزین و دەستیان بە ئازادكردنی فەرەنسا كرد كە لەلایەن ئەڵمانی نازییەوە داگیر كرابوو.



جەنگی نۆرماندی كە هاوپەیمانان دژی نازیەكان جەنگان، یەكێكە لە گەورەترین ئۆپەراسیۆنە ئاویی و وشاكاییەكانی مێژوو كە تیایدا هاوپەیمانان سەركەوتنیان بەدەستهێنا و توانیان كۆتای بەدەسەڵاتی هیتلەرو نازیەكان بهێنن.

 

جێگەی ئاماژەبۆكردنە دۆناڵد ترەمپ سەرۆكی ئەمریكا گلەیی لە كورد دەكات لەوەی یارمەتی ئەمریكای نەداوە لە جەنگی دووەمی جیهانی و رایگەیاند: ئەوان لە جەنگی دووەمی جیهاندا هاوكاری ئێمەیان نەكردووە، ئەوان لە نۆرماندی هاوكاری ئێمەیان نەكردووە، بەڵام ئێمە لە رووی پێدانی چەك و پارەوە هاوكاریمان كردوون و سەرباری هەموو ئەمانەش ئێمە هێشتا كوردمان بە دڵە.