ل دهوكێ دوو خرڤه‌بونێن جودا بۆ رۆژئاڤا هاتنه‌ ئه‌نجام دان

12/10/2019 - 20:53 بڵاوکراوەتەوە لە هەواڵ/كوردستانی

ئه‌ڤرو ل دوو ده‌م و جهێن جودا، دوو خرڤه‌بون ژبۆ پشته‌ڤانیا كوردێن رۆژئاڤا ل دهوكێ هاتنه‌ ئه‌نجام دان و هند چالاكڤان ژى ڤێ ب نه‌رێنی دزانن.

ئه‌ڤرو دوو چالاكی ژبۆ پشته‌ڤانیا رۆژئاڤا ل دهوكێ هاتنه‌ ئه‌نجامدان، تێدا ژماره‌كا چالاكڤان و رۆژنامه‌ڤان و ته‌خێن جودا جودا به‌رهه‌ڤ بوون و به‌یاننامه‌ و په‌یڤ هاتنه‌ خواندن، خرڤه‌بوونا ئێكێ ل ده‌مژمێر 11 ى به‌ری نیڤرو ل پاركا نه‌وروز ل سه‌نته‌رێ باژێرێ دهوكێ بوو و خرڤه‌بوونا دی ل ده‌مژمێر 4ى ئێڤاری ل به‌رده‌رێ پاركا ئازادى ل دهوكێ.

د ڤان خرڤه‌بوونان دا چه‌ندین په‌یڤ هاتنه‌ خواندن، داخواز كرن، دوماهی ب هێرشێن توركیا بۆ سه‌ر رۆژئاڤا بهێته‌ ئینان و به‌س زارۆك و سڤیل ببنه‌ ئارمانج و گازی جڤاكا نیڤده‌وله‌تى كر، د هه‌وارا گه‌لێ كورد بهێن ل رۆژئاڤا و توركیا نه‌چاركه‌ن هێرشێن خۆ بۆ سه‌ر رۆژئاڤا راگریت و خۆ ژ ئاخا وێ ڤه‌كێشیت و ئاریشه‌ ب زمانێ دانوستاندنێ و ئاشتیێ بهێنه‌ چاره‌كرن نه‌ك شه‌ر و هێزێ.

ژ لایه‌كێ دیڤه‌، چه‌ندین چالاكڤانان داخوازدكر، دهوك ئێك هه‌لویست بن و بۆ پرسێن نشتیمانى خۆ بكه‌نه‌ ئێك و خوازیاربون هه‌ردوو خرڤه‌بوون د ئێك ده‌م دا و پێكڤه‌ هاتبانه‌ كرن.