رێكخراوێن جڤاكێ سڤیل ل دهوکێ بەیانەکێ ل دور رەوشا رۆژئاڤایێ كوردستانێ دەردئێخن

12/10/2019 - 22:10 بڵاوکراوەتەوە لە هەواڵ/كوردستانی

هژمارەکا رێکخراوێن جڤاكا سڤیل ل دور هێرشێن له‌شكه‌رێ توركیا بۆ سه‌ر رۆژئاڤایێ كوردستانێ به‌یانه‌ك به‌لاڤكرن وتێدا داخازكرن "توركیا ب زوترین ده‌م ڤێ هێرشێ ب راوه‌ستینیت و ده‌ست ب دان و ستاندنێن ئاشتیێ بكه‌ت و ئێكه‌تیا ئه‌وروپى فشارێ بێخیته‌ لسه‌ر توركیا دا ئه‌ڤ شه‌ره‌ ب راوه‌ستیت ب زوترین ده‌م و ه‌نگ و هێرش بهێته‌ راگرتن و برێكا دان وستاندن و ئاشتیێ و هه‌موو ئاریشه‌ بهێنه‌ چاره‌سه‌ركرن دا نه‌كه‌ڤیته‌ دخزمه‌تا داعش و گروپێن دى یێ توندره‌و دا".

ئه‌ڤا ل خوارێ ده‌قێ به‌یاننامێ یه‌:

به‌یانامه‌ :
بو :-
- رایا گشتى یا نیڤده‌وله‌تى
- نه‌ته‌وه‌یێن ئێگرتى
- ئێكه‌تیا ئه‌وروپى
- كومكارا وه‌لاتێن عه‌ره‌بى
- قونسلخانه‌ و نونه‌ر و وه‌لاتێن دوست ل هه‌رێما كوردستانى

نه‌ بو جه‌نگ و وێران كرنا گه‌لان به‌لێ بو ئاشتى و پێكڤه‌ ژیانا ملله‌تان
رۆژهه‌لاتا ناڤین رۆژ بو رۆژێ به‌ره‌ڤ ئالوزیێن مه‌زن دچیت و و سه‌قامگیریێ خوه‌ڤه‌ نابینیت نه‌خاسم پشتى بهارا عه‌ره‌بى و گوهورینا رژێم و ده‌ستهه‌لاتان ل هنده‌ك وه‌لاتا و د ئه‌نجام دا دروست بونا گروپێن توند ره‌و و ژوان داعش كو پترى چوار سالان و زێده‌تر هزار كیلومه‌تر شه‌ر ل سه‌ر هه‌رێما كوردستانێ هاته‌ سه‌پاندن د ئه‌نجام دا دوهزار شه‌هید و یازده‌ هزار بریندار و په‌كه‌فتى ژێ په‌یدا بون، ره‌نج و خه‌بات و قوربانى دانا ملله‌تێ كورد د شه‌رێ دژى داعشێ دا ل باشوور و رۆژئاڤایێ كوردستانێ پێدڤیه‌ به‌رچاڤ بهێته‌ وه‌رگرتن .
جاره‌كا دى ده‌ڤه‌ر تووشى شه‌ره‌كێ دى دبیت ب هیجه‌تێن جوراو جور هێرش كریه‌ ل سه‌ر رۆژئاڤایێ كوردستانێ د ئه‌نجام دا زاروك ب كوم شه‌هید دبن و خێزان ئاواره‌ دبن له‌ورا ئه‌م ب ناڤێ جڤاكێ سڤیل و جه‌ماوه‌رێ پارێزگه‌ها دهوكێ ب هه‌موو ته‌خ و چینێن جڤاكى ڤه‌ داخوازێ دكه‌ین :

1. توركیا ب زوترین ده‌م ڤێ هێرشێ ب راوه‌ستینیت و ده‌ست ب دان و ستاندنێن ئاشتیێ بكه‌ت.
2. نه‌ته‌وه‌یێن ئێكگرتى هه‌موو بزاڤێن خوه‌ ب پراكتیكى كاربینیت و یاسا و رێكه‌فتنێن ده‌وله‌تى بو توركیا به‌رچاڤ بكه‌ت.
3. نه‌ته‌وه‌یێ ئیكگرتى و رێكخراوه‌یێن ب سه‌رڤه‌ خزمه‌تێن مروڤایه‌تى ب گه‌هینیته‌ خه‌لكى لێ قه‌وماى.
4. گرنگه‌ ئه‌مریكا و سه‌روكێ ئه‌مریكى دونالد ترامپ كوردان ل رۆژئاڤا ب پارێزن و ب چاڤێ به‌رژه‌وه‌ندیێن بازرگانى سه‌ره‌ده‌ریێ ل گه‌ل رۆدانان نه‌كه‌ن.
5. داخوازێ ژ روسیا دكه‌ین وه‌ك وه‌لاته‌كێ كاریگه‌ر ل وێ ده‌ڤه‌رێ و كارتێكرن ل سه‌ر سوریا هه‌ى ب رێكا دان و ستاندنێ ئاریشه‌یان چاره‌سه‌ر بكه‌ت.
6. ئێكه‌تیا ئه‌وروپى فشارێ بێخیته‌ لسه‌ر توركیا دا ئه‌ڤ شه‌ره‌ ب راوه‌ستیت ب زوترین ده‌م.
7. دڤێت كومكارا وه‌لاتێن عه‌ربى رۆلێ خوه‌ ببینیت بو چاره‌سه‌ریا ڤێ كێشێ و خوه‌ ب خودان بزانیت.
8. داخوازێ ژ ده‌زگه‌هێن راگه‌هاندنێ دكه‌ین دیمه‌نێن كومكوژیێ و ره‌وش و ترسا خه‌لكى بو رایا گشتى ب لڤینیت و یا كاریگه‌ر بیت بو راگرتنا شه‌رى.
9. گشت رێكخراوێن مافێ مروڤى ل جیهانى به‌لگه‌یێن شه‌رى دیكیومێنت بكه‌ت و رێكه‌فتنێن مافێ مروڤى بكاربینن بو راوه‌ستاندنا ڤێ هێرشێ.
10. داخوازێ دكه‌ین جه‌نگ و هێرش بهێته‌ راگرتن و برێكا دان وستاندن و ئاشتیێ و هه‌ موو ئاریشه‌ بهێنه‌ چاره‌سه‌ركرن دا نه‌كه‌ڤیته‌ دخزمه‌تا داعش و گروپێن دى یێ توند ره‌و دا.

جاره‌كادى ب ناڤێ گشت خه‌لكێ پارێزگه‌ها دهوكێ و بتایبه‌ت رێكخراوێن جڤاكێ سڤیل ڤێ ئوپه‌راسیونا له‌شكه‌رێ تورك لسه‌ر رۆژئاڤایێ كوردستانێ رسوا و شه‌رمزار دكه‌ین و داخوازى َدكه‌ین ب زووترین ده‌م ئه‌ڤ هێرشه‌ بهێته‌ راگرتن و ده‌رگه‌ه بو دان و ستاندن و پێكڤه‌ ژیانا ئاشتیانه‌ بهێنه‌ ڤه‌كرن.

دگه‌ل رێزگرتنێ
رێكخراوێن جڤاكێ سڤیل
بناڤێ جه‌ماوه‌رێ پارێزگه‌ها دهوكێ
2019/10/12