ل رۆژئاڤایێ کوردستانێ نێزیکی سێسەد ھزار کەسان ئاوارەبووینە

15/10/2019 - 21:16 بڵاوکراوەتەوە لە هەواڵ/كوردستانی

رێڤەبەرییا خوەسەر یا رۆژئاڤایێ کوردستانێ نووترین ئامارا ئاوارەیان بەلاڤکر و دیارکر: هەتا نوکە نێزیکی سێسەد ھزار کەسان ئاوارەبووینە و تورکیا ب ئارمانجکرنا جھێن ساخلەمی و خزمەتگۆزاری سووچبار کر.

رێڤەبەرییا خوەسەر یا رۆژئاڤایێ کوردستانێ داخواز ژ نەتەوەیێن ئێکگرتی و رێکخستنێن مرۆڤی و کۆمکارا عەرەبی کر ب لەز ھاریکارییان بگەھیننە خەلکێ ئاوارە.

دیار ژی کر: حەفت رۆژان پشتی ھێرشا تورکیا و گرۆپێن چەکدار ل سەر رۆژئاڤایێ کوردستانێ، رەوشا مرۆڤی ل دەڤەرێ دژوار دبیت و ھاریکاریێن مرۆڤی ھاتینە برین، ژ بەرکو ھەمی رێکخستنێن مرۆڤی کارێن خوە راگرتینە و کارمەندێن خوە ژ دەڤەرێ ڤەکێشاینە.

دا زانین ژی: تا نوکە ژ بەر ھێرشا تورکیا نێزیکی سێسەد ھزار کەسان ئاوارەبووینە کو حەفتێ ھزار ژ وان زارۆکن.

رێڤەبەرییا خوەسەر ھەروەسا تورکیا ب ئارمانجکرنا بنگەھێن خزمەتگۆزاری و ساخلەمیێ سووچبار کر و دیارکر: تورکیا وان جھان ب مەرەم بۆمبەباران دکەت.