مەزڵوم کۆبانێ: بۆ سەرکەوتنی ئاگربەستەکە چیمان لە دەست بێت دەیکەین

18/10/2019 - 10:09 بڵاوکراوەتەوە لە هەواڵ/كوردستانی

مەزڵوم عەبدی، ناسراو بە مەزڵوم کۆبانێ، فەرماندەی گشتی هەسەدە لە یەکەم کاردانەوەیدا لەبارەی ڕێککەوتنەکەی ئەمریکا و تورکیا لەبارەی ناوچەی ئارام ڕاگەیاند "ئەم ئاگربەست و ڕێککەوتنەی کراوە لەسەر ناوچەکانی شەڕە (نێوان گرێسپی و سەرێکانی) لەسەر شوێنەکانی دیکە هیچ ڕێککەوتنێک نەکراوە". 

مەزڵوم کۆبانێ وتیشی "ئێمە ئاگربەستەکەمان قبووڵ کرد و بۆ سەرکەوتنی ئاگربەستەکە چیمان لە دەست بێت دەیکەین".

ئەو وتانەی ناوبراو لەکاتێکدایە سەرەڕای ڕاگەیاندنی ئاگربەست لەزاری مایک پێنس، جێگری سەرۆکی ئەمریکاوە، تورکیا هێرشی بۆ سەر سەرێکانی دەستپێکردەوە وبەگوێرەی زانیاریەکان لە ئێستادا بۆردومانی چڕ لەسەر ناوەندی شاری سەرێکانی هەیە لە ڕێگەی تۆپەوە لە لایەن سوپای تورکیا و چەکدارە هاوپشتەکانیەنەوە ئەو شارە بۆردومان دەکرێت.