یەكگرتووی خوشكان بەشێكی زیندووی ڕەوتی چاكسازیی نیشتمانیی كۆمەڵگەن

26/10/2019 - 11:30 بڵاوکراوەتەوە لە هەواڵ/كوردستانی


ئەمڕۆ شەممە 26-10-2019، 25 ساڵ بەسەر دامەزرادنی ڕێكخراوی یەكگرتووی خوشكانی ئیسلامی كوردستاندا تێپەڕدەبێت و خوشكانی یەكگرتوو لەو ماوەیەدا توانیویانە لە بوارەكانی كۆمەڵایەتی و سیاسی و ئاینی و چەندین بواری تر ڕۆڵ و پێگەی تایبەت بە خۆیان هەبێت.

دەقی بەیاننامەكەی یەكگرتووی خوشكانی ئیسلامی كوردستان:


بەیاننامەی یەكگرتووی خوشكانی ئیسلامی كوردستان
بەبۆنەی(25) بیست وپێنجەمین ساڵیادی راگەیاندنیەوە.

-جەماوەری كوردستان
- ئافرەتانی سەربەرزی نیشتمان
-ڕێكخراوەكانی كەمەڵگەی مەدەنی و مرۆڤ دۆستەكان
-ئەندام و چالاكوانان و لایەنگرانی یەكگرتووی خوشكانی ئیسلامی كوردستان
ئەمڕۆ(25)ساڵ بەسەرڕاگەیاندنی ڕێكخراوەكەمانداتێدەپەڕێت و لاپەڕەیەكی نوێ لە مێژووی پڕ خەبات و تێكۆشانی هەڵدەداتەوە. هەرلەسەرەتای هاتنە مەیدانی ڕێكخراوی(یەكگرتووی خوشكان ) ولەڕوانگەی بڕوای تەواوی بە پێویستی گێڕانی ڕۆڵی مرۆییانەی ئافرەتان شان بەشانی پیاوان لەسەرجەم كایەكانی ژیاندا كار وخەباتی لە خزمەت كۆمەڵگەدا
بەگشتی و ژنان بە تایبەتی بەگەڕخستووە و سەرەڕای لەمپەرەكان بەردەوامە، چونكە لای چەسپاوە كە هەرگیزگەشەپێدان و پێشكەوتنی میللەتان بێ بەشداریی كاراو هاوسەنگی ئافرەتان نایەتەدی.
لەم سۆنگەیەوە (ڕێكخراوی یەكگرتووی خوشكان) لە دەستپێكی خەباتیەوەتائەمڕۆبۆتە پەیمانگای پێگەیاندنی هەزاران ئافرەتی بەتواناو هاندەری بەشدارییانە لە بوارەكانی پەروەردەوڕۆشنبیری و سیاسی و یاسایی و كۆمەڵایەتی و ئابوری و ڕاگەیاندن و سەرجەم كایەكانی دیكەدا، ئەمەش جێكەوتەی لە بەهێزكردنی پێگەی ژن لە ژیانی گشتی و لە دەرەوەی چوارچێوەی خێزاندانەخشاندووە بەهاوسەنگی لەناو خێزانیشداهاوسەرێكی لێهاتوو و دایكێكی بەسۆز وخوشكێكی دلسۆز و كچێكی ڕۆشنبیری پێشكەش بەكۆمەڵگە ی كوردەواری كردووە.
بۆیەئەمڕۆخوشكانمان خاوەنی پێگەیەكی بەهێزن لە كۆمەڵگەداو بە متمانەو بڕوایەكی پتەوەوە بەرەوئاییندەیەكی باشتروگەشترهەنگاو دەنێن.
خەباتی یەكگرتووی خوشكان هاوكات لەگەڵ ڕێكخراوەكانی دیكەی ژنان و ئافرەتان و كۆمەڵگەی مەدەنی،
چەندین دەستكەوتی بۆئافرەتان وهەندێك لەماف وخواست وئامانجەكانیانی بەدیهێناوە،
بەڵام ئەمە واتای ئەوە ناگەیەنێت كە ڕێكخراوەكانی ژنان لەئاست خواست و داواكاریی وپێداویستییەكانی ئافرەتان و كۆمەڵگەدا بووبن، بەڵكوخەباتی مەدەنی خەباتێكی نەپساوەیەو پێویستەبەردەوام بێت و میكانیزمی نوێ بۆ هێنانەدی خواست و بەدەستهێنانی مافەڕەواكانی بگیرێتەبەر، هەروەك لە ئێستادا كە ڕۆژئاوای كوردستان ڕووبەڕووی نەهامەتی جەنگ و ئاوارەبوون و ماڵوێرانی بۆتەوەو ژنانیش پشكی شێریان لەئاسەواری كوشتاروكاولكارییدا بەردەكەوێت ، پێویستیان بەبەهاناوەچوونی مرۆیی و سیاسی خێراوهەرەوەزی هەیە، ڕێكخراوەكانی كۆمەڵگەی مەدەنیش دەتوانن ڕۆڵی خۆیان لەم ڕوەوە بگێڕن.
- بەرزبونەوەی ئاماری كێشەكۆمەڵایەتییەكان،بەدەمەوەچوونی بەپەلەی هەمەلایەنە ی دەوێت، ڕێكخراوەكانی ژنانیش بەتایبەت دەتوانن ڕۆڵی گرنگی خۆیان لەپاراستنی خێزان و كەمكردنەوەی گرفتەكاندا بگێڕن لەڕێگەی بەرزكردنەوەی ئاستی هۆشیاری كۆمەڵایەتی تاكەكانی كۆمەڵگە وئەندامانی خێزان لەسەر بنەمای ڕێزوخۆشەویستی و دادپەروەری. هەروەك ئەركی سەرشانی حكومەتە كەبەدابینكردنی هەلی كار وئاسانكاری هاوسەرگیری و دابینكردنی شوێنی نیشتەجێبوون ،ژیانێكی باشتربۆلاوەكان فەراهەم بكات.
-ئێمەلە یەكگرتووی خوشكان بانگهێشتی ژنان و ئافرەتانی كوردستان و ڕێكخراوەكانی كۆمەڵگەی مەدەنی دەكەین بۆیەكخستنی هەوڵەكان تاكو ببینە بەشێكی زیندووی ڕەوتی چاكسازیی نیشتمانیی لە ووڵاتەكەمانداوپێكەوە خەبات بكەین لەپێناوبەدامەزراوەییكردنی دامودەزگاكان وچەسپاندنی یاساسەروەریی ، بەسوود وەرگرتن لەتواناسیاسیی وئیداریی وزانستیەكانیی ژنان،وبەهێزكردنی ئیرادەوپێگەی ژن وكاركردن بۆبەرزكردنەوەی ئاستی ئابوریی وسەربەخۆیی دارایی ژنان،
لە پێناو دابینكردنی گوزەرانێكی باشتر بۆ ئافرەتانی كوردستان بەگشتی ودامەزراوەی خێزان ونەوەكانی ئێستاوداهاتوو بەتایبەتی.
لە كۆتاییداچەپكەگوڵی پیرۆزبایی و ڕێزوپێزانین،ئاراستەی ئەندامەماندوونەناسەكان ودۆست ولایەنگرانی ڕێكخراوەكەمان دەكەین كە سەرەڕای ئاستەنگ وگرفتەكان لە خەبات و خزمەت و هەوڵ و تێكۆشانیان بەردەوامن.
- بەرز وپیرۆز بێت بیست وپێنجەمین ساڵیادی ڕێكخراوی یەكگرتووی خوشكانی ئیسلامی كوردستان

مەكتەبی سكرتاریەتی
یەكگرتووی خوشكانی ئیسلامیی كوردستان
26/10/2019