ئەمینداری گشتی یەكگرتوو: یەكگرتووی خوشكان چالاكوانی دابینكردنی مافەكانی ئافرەتانی كوردستان بووە

26/10/2019 - 12:32 بڵاوکراوەتەوە لە هەواڵ/كوردستانی

 

ئەمڕۆ شەممە 26-10-2019، مامۆستا سەلاحەدین محەمەد بەهائەدین ئەمینداری گشتی یەكگرتووی ئیسلامی كوردستان بەشداریكرد لە 25 هەمین ساڵیادی دامەزراندنی یەكگرتووی خوشكانی ئیسلامی كوردستان و پیرۆزبای ئاڕاستەی یەكگرتووی خوشكانی ئیسلامی كوردستان كرد.

 

لەو دیدارەدا، مامۆستا سەلاحەدین محەمەد بەهائەدین ڕایگەیاند: 25 هەمین ساڵیادی دامەزراندنی یەكگرتووی خوشكان پیرۆز دەكەین و یەكگرتووی خوشكان باڵێكی زیندووی كۆمەڵكەی ئێمەیە وە چالاكوانی مەیدانی مافەكان و دابینكردنی مافەكانی ئافرەتانی كوردستان بووە.

 

هەوەرها ئەمینداری گشتی یەكگرتووی ئیسلامی كوردستان ئەوەشی خستەڕوو: یەكگرتووی خوشكان هەمیشە لەگەڵ براكانیان هاوسەنگەربوون و كاری باشیان كردووە، ئومێدەوارین ساڵانی داهاتوو باشتر و سەركەوتوانەتر كار بكەن و ئێمەش پشتگیر و هاوكاریان دەبین.