حاجی كاروان سكاڵای دژی ئەم كەسانە تۆماركرد

27/10/2019 - 09:38 بڵاوکراوەتەوە لە هەواڵ/كوردستانی

 

حاجی كاروان ، بانگخواز و بەرێوەبەری رێكخراوی بەختەوەری خێرخوازی سكاڵای دژی چەند كەسێك تۆماردەكات كە سوكایەتییان پێكردووە.

پارێزەری حاجی كاروان لەبەیاننامەیەكدا رایگەیاند : " ئەمڕۆ هەستاین بە تۆمارکردنی سکاڵا لەبنکەی پۆلیسی ئیسکان لەسەر چەند کەسێک کە بە ئاشکرا تشهیر و تۆمەتی بێبنەمایان بۆ حاجی کاروان هەڵبەستبوو دوای کردنەوەی دۆسیە بۆیان و پێشکەشکردنی تەواوی بەڵگەنامەکان بۆ بەڕێز دادوەری دادگای لێکۆڵینەوەی هەولێر چاوەڕێی بڕیاری بەڕێز دادوەرین".

ئەمەش دەقی بەیاننامەكەیە:

لە هەفتەی ڕابردوو دوای بڵاوکردنەوەی هەواڵێک و شێواندنی مانشێتەکەی لەلایەن ڕۆژنامەی هاوڵاتیەوە بەداخەوە چەند کەسێک لە پەیج و ئەکاونتی خۆیان هەستان بەبڵاوکردنەوەی چەند بابەتێک لەسەر بەڕێز حاجی کاروان کە سەڕەڕای دابەزاندنی وێنەی کەسی بەڕێزیان بەبێ مۆڵەت چەندین جنێوی ناشیرن و تۆمەتیان بۆ ڕێکخستبوو ئەمەش لە ڕووی یاساییەوە بە تاوان دادەنرێت وە بەڕونیش یاسای سزادانی عیراقی هەموو ئەو کردار و گوفتارانەی دیاریکردووە کە بەتاوان ئەژمار دەکرێن لەگەڵ دیاریکردنی سزا بۆیان .

بۆیە ئەمڕۆ هەستاین بە تۆمارکردنی سکاڵا لەبنکەی پۆلیسی ئیسکان لەسەر چەند کەسێک کە بە ئاشکرا تشهیر و تۆمەتی بێبنەمایان بۆ حاجی کاروان هەڵبەستبوو دوای کردنەوەی دۆسیە بۆیان و پێشکەشکردنی تەواوی بەڵگەنامەکان بۆ بەڕێز دادوەری دادگای لێکۆڵینەوەی هەولێر چاوەڕێی بڕیاری بەڕێز دادوەرین

پارێزەر :کارزان عزیز محمود

۲۷‌ ۱۰ ۲۰۱۹ هەولێر