كه‌سێك ده‌ستگیر ده‌كرێت كه‌ 11 کچی فریوداوه‌

04/11/2019 - 16:00 بڵاوکراوەتەوە لە هەواڵ/كوردستانی

كەسێك دەستگیر كرا بەناوی كاری هەواڵگرییەوە ژنانی هەڵخەڵەتاندووە و بەوهۆیەوە لەگەڵ 11 ژنی كورد و عەرەبي فريو داوە.

بەڕێوەبەرایەتی ئاسایشی سلێمانی لە ڕاگەیەنراوێكدا رایگه‌یاندووه‌ "هێزەكانمان توانیان لە ڕۆژی (20/10/2019) كەسێك بەناوی ( ص، ع، ص) لەدایكبووی ساڵی 1973 دەستگیر بكەن."

ڕوونیشی كردۆتەوە، ئەو كەسە تۆمەتبارە بەوەی “پەیوەندی كردووە بە چەند ئافرەتێكەوە وەك بەرپرسێكی كاری مخابەراتی خۆی پێ ناساندوون لەهەمان كاتدا وەهمی بووە و بەڵێنی ئەوەی پێداون ئەگەر كاری لەگەڵدا بكەن ئەوا هەریەكەیان بڕی 20 هەزار دۆلاری ئەمریكی و خانوو و ئۆتۆمبێلیان پێ بدات بۆ ئەنجامدانی ئەم دەست بڕین و هەڵخەڵەتاندنە."

ئاسایشی سلێمانی ئاشكراشی كردووە، ناوبراو لە ڕێگەی (مەسنجەرەوە ) پەیوەندی كردووە بە (35 بۆ 40) ئەفرەتی كورد و عەرەبەوە لەو ژمارەیە (11) كەسیانی هەڵخەڵەتاندووە و كاری سێكسی لەگەڵدا كردون و بڕوایان بە ساختەكاریەكانی كردووە، كەكاری لەگەڵدا بكەن.

دەشڵێت: “دوای ئەم كارە نایاساییە، هێز ەكانمان دوای چاودێری ورد و لێكۆڵینەوە لە ڕووداوەكە، ئاسایش پلانەكەیانی ئاشكرا كرد و بەپلانێكی تۆكمە و وەرگرتنی فەرمانی دادوەری لێكۆڵینەوەی ئاسایشی سلێمانی، تۆمەتبارەكە دەستگیركرا و دانی نا بەتاوانەكەیدا و ڕووبەڕووی یاسا كرایەوە و لێكۆڵینەوە لە كەیسەكەی بەرداوەمە”.

ئاسایشی سلێمانی، هاووڵاتیان ئاگادار دەكاتەوە، كەژیرانە مامەڵە بكەن و خۆیان بەدوور بگرن لەكەسانی ساختەچی و نەفس نزم .