سامی ئەتروشی: زەنگا مەترسیەکا مەزن ل سەر هەرێما کوردستانێ لێددەت

05/11/2019 - 14:44 بڵاوکراوەتەوە لە هەواڵ/كوردستانی

کوردیو دهوک

چاڤدێرێ سیاسی سامی ئەتروشی بەحسێ رەوشا ڤێ دوماهیێ یێن خوپێشاندانێن عیراقێ دکەت وب دبینیت زەنگا مەترسیێ بۆ سەر هەرێما کوردستانێ یا هەی.

چاڤدێرێ سیاسی سامی ئەتروشی ل لاپەرێ خۆ ل تورێن کومەلایەتی بەلاڤکریە "خوپێشاندانێن عیراقێ دەستپێکەکا مەترسیدارە دەما تەڤنێ پشترا خویا دکەت، مەترسی نەیا ڤان گەنج وخورتێن خوین گەرمێن داخوازیا مافێن خو وهاوڵاتی یێن عیراڤێ دکەن، مەترسی نە د گەندەلی یا ل عیراڤێدا یە، مەترسی نە تێکچونا رەوشا جادێن عیراقێ نە ونە وەکو بگەهیتە کوردستانێ٠ مەترسی دزڤریتەڤە بو داخوازا هندەک لایەنان دڤێن سیستەمێ پەرلەمانی ل عیراقێ بگوهورن بو سیستەما سەروکایەتی.

ئەتروشی گوت ژی "سیستەمێ سەروکایەتی بو وڵاتەک دیموکراسی وەک ئەمریکا باشترین سیستەمە کو دەستهەڵات سنوردارە بهەبونا گونگرسەک یێ بهێز، بەلێ بو وڵاتێن مە یێن روژهەلات دکتاتوریەتە ودویرئێحستنا نەتەوە ومەزهەب وئایینێن دی نە ل عیراقێ واتە کەسەکێ شیعەیە، ودڤێت پوست ودەستهەڵات نەهێنە دابەشکرنا لسەر لایەنێن دی بهێجەتا بنبرکرنا (محاصصه‌) واتە دانا پوستا لدیف پشککرنا لایەنان.

وی چاڤدێرێ سیاسی گوت ژی "نیازا گوهورینا سیستەمی نازڤریت بو داخوازیێن خوپێشاندەران بەلکو دزڤریت بو سەردەمی مالکی دەما لایەنێن شیعی پەشیمان بوین لسەر دانا دەستهڵاتا بو هەرێما کوردستانێ وهەر وەسا پەشیمان بوین دەستهەڵات بهێنە دابەشکرن لسەر پارێزگەهان وهەرێمێن دی ئەگەر پەیدابون لدیف دەستوری. وئەڤرو زوربەی لایەنێن شیعی چوینە سەر وێ بوچونێ ودڤین سیستەمی بگوهورن.

سامی ئەتروشی گوت ژی "ب دیتنا من ئیران ژی بویە خودانا وێ بوچونێ بۆ عیراقێ ودڤیان رێکەکێ پەیداکەن بو بجهئینانا وێ مەبەستێ، باشترین دەلیڤە نوها دیتن کو عادل عبدالمهدی بێپشتە ل پەرلەمانی، وبساناهی تر دێ گوهورین روی دەت بهێجەتا نەرازیبونا گشت هاوڵاتیان لسەر پروسێسا سیاسی ل عیراقێ. ئەگەر نە چ پەیوندی یا سیستەمی پێڤەیە؟ کەسانێن سیاسی گەندەلن نەک سیستەم.

ئەتروشی دیارکر : مەترسیا مەزن لسەر هەرێمێ دیسان نە لڤێرێ یە! چونکی دستورێ عیراقێ رێکێ نادەت دەستکاری د دەستهەڵات ودەستکەفتی یێن هەرێمێ بهێتە کرن دگوهورینا دەستوریدا مەگەر یان پەرلەمانێ کوردستانێ رەزامەندیا خو دیار کەت یان زورینەیا گەلێ کوردستانێ رازی ببن د دەنگدانێدا.

مەترسیا مەزن ب بوچونا من ناکوکیا دناڤبەرا هەردوو حزبێن دەستهەڵاتێ نە ل کوردستانێ، کو جارەکا دی گەفێن دناڤبەرا واندا پەیدابوین ل ڤان روژا، ئەگەر رازی نەبون لسەر دابەشکرنا دەستهەڵاتێ، مەترسی ئەوە رێک نەکەفن لسەر گوهورینا ل عیراقێ، بتنێ لایەنەک رازی ببیت لسەر وان گوهورینێن دەستوری ودەنگ بهێتە دان مەترسیەکا مازنە هەمی دەستکەڤتی یێن کوردان دبەرئاڤدا بچیت خودێ نەکەت. و زۆر یا بساناهییە هێجەت ومبەرراتا بینن کو ژ بەر بەرژەوەندیێن گشتی بون مە ئەو بریار دای وەکو چەندین جارا بسەرێ مللەتی هاتی. هیڤدارین هەردولا ب حەکیمانە وب بەرپرسیانە رەفتارێ دگەل ڤێ مەترسیێ بکەن، وبەرژەوەندی یێن یەک لایێ بدەنە پاش!