مۆڵەتی جام ڕەشكردن بۆئۆتۆمبێل دەردەچێت،كوردیو مەرجەكان بڵاو دەكاتەوە

06/11/2019 - 14:13 بڵاوکراوەتەوە لە هەواڵ/كوردستانی

 

وەزارەتی ناوخۆی حكومەتی هەرێم لەڕێگەی بەڕێوەبەرایەتی گشتیی هاتوچۆی هەرێمەوە چەند مەرجێكی بۆ ئەو ئۆتۆمبێلانە دەركرد كە بەلەزگەی تایبەت بەڕێژەی 30% بۆ 50% جامەكانیان ڕەشكراوە.

لەو بڕیارەدا كە وێنەیەكی دەست كوردیو كەوتوە ئاماژە بەوەكراوە، لەمادەی دوەمدا مۆڵەت دەدات بەجام ڕەشكردن بۆكەسانێك كە خاوەنەكانیان كەسێتی مەعنەوین، یان بەرامبەر بەبڕێك ڕسوماتی دیاریكراو، بۆ ئەو مەبەستەش چەند مەرجێكی بڵاوكردەوە.

مەرجەكان:
ـ پێشكەشكردنی داواكاری بەو بەڕێوەبەرایەتیەی كە ئۆتۆمبێلەكەی لێ‌ تۆماركراوە.

ـ پێویستە تابلۆكەی هی هەرێم بێت.

ـ مۆڵەتەكەش بۆیەك ساڵەو ساڵانە دەبێت نوێبكرێتەوە.

ـ بڕی 400 هەزار دینار وەردەگیرێت بۆ ئەو ئۆتۆمبێلانەی كە بەڕێژەی 30% ڕەش كراوە.

ـ بڕی 600 هەزار وەردەگیرێت بەگوێرەی بڕگەی 2/ب كە ئۆتۆمبێلەكانیان جام ڕەش دەكەن‌و ڕێژەكەی 30%.

ـ بڕی 800 هەزار دینار وەردەگیرێت بەڕێژەی 50% بێت.

ـ ملیۆنێك‌و 200 هەزار دیناری عێراقی، ساڵانە وەردەگیرێت بۆ ئەو ئۆتۆمبێلانەی كە بڕگەی 2/ب لەمادەی چوارەم بەڕێژەی 50%.

ـ ئەو ئۆتۆمبێلانەی لەكۆمپانیاوە جامی پشتەوەو تەنیشتی سەر سندوق ڕەشن بەدەرن لەم ڕێنماییە؟

ـ بری 20 هەزار دینار ڕۆژانە وەك سزای دواكەوتن لەخاوەنی ئۆتۆمبێل وەردەگیرێت ئەگەر مۆڵەتی جام ڕەشكردنەوەكەی نوێ‌ نەكەنەوە.

ـ بڕی 25 هەزار دیناریش وەكو ڕسوماتی كارگێری وەردەگیرێت لەكاتی پێشكەشكردنی مۆڵەتی جام رەش كردن یان نوێكردنەوەی مۆڵەت.

بەپێچەوانەوە دەست بەسەر ئۆتۆمیلەكەدا دەگێرێت وڕەوانەی بەڕێوەبەرایەتی هاتووچۆ دەكریت بۆ وەرگرتنی ڕێكاری یاسایی پێویست لەبەرامبەر خاوەن ئۆتۆمبیلەكە.